അനുബന്ധ വാര്ത്തകള്
- ഡല്ഹിയില് കനത്ത ചൂട്; മലയാളി പൊലീസുദ്യോഗസ്ഥന് സൂര്യാഘാതമേറ്റ് മരിച്ചു
- തൃശൂരിലെ നിരവധി ഹോട്ടലുകളില് നിന്ന് പഴകിയ ഭക്ഷണം പിടികൂടി; ഹോട്ടലുകള് ഇവയൊക്കെ !
- നിര്മ്മാതാക്കള് നടത്തിയത് ആസൂത്രണം ചെയ്ത തട്ടിപ്പ്: മഞ്ഞുമ്മല് ബോയ്സ് നിര്മ്മാതാക്കള്ക്കെതിരായ അന്വേഷണ റിപ്പോര്ട്ട് ഹൈക്കോടതിയില്
- ഒമര് ലുലു ബലാത്സംഗം ചെയ്തുവെന്ന് പരാതി നല്കിയത് മലയാളത്തിലെ യുവ നടി; പീഡിപ്പിച്ചത് നിരവധി തവണയെന്ന് പരാതി
- മുഴപ്പിലങ്ങാട് ബീച്ചില് നിന്നും കണ്ടെത്തിയ പെരുമ്പാമ്പിന് മുട്ടകള് വിരിഞ്ഞു; സൂക്ഷിച്ചത് 45 ദിവസം
വസ്ത്രങ്ങള് ഇസ്തിരിയിടുന്ന സമയം വരെ ശ്രദ്ധിക്കണം; കറന്റ് ബില് കുറയ്ക്കാനുള്ള ടിപ്സ്
പീക്ക് ലോഡ് സമയത്തെ വൈദ്യുതി ഉപയോഗം നിയന്ത്രിക്കാന് ശ്രദ്ധിക്കണം. വൈകിട്ട് ആറര മുതല് രാത്രി 10 വരെയാണ് പീക്ക് ലോഡ് സമയം
കറന്റ് ബില് ഇടയ്ക്കിടെ കൂടുന്നത് പലപ്പോഴും കുടുംബ ബജറ്റ് താളം തെറ്റിക്കാറുണ്ട്. എന്നാല്, അത്യാവശ്യ കാര്യങ്ങള്ക്ക് വൈദ്യുതി ഉപയോഗിക്കാതിരിക്കാനും സാധിക്കില്ല. എന്നാല്, ചില പൊടിക്കൈകള് പ്രയോഗിച്ചാല് കറന്റ് ബില് കുറയ്ക്കാന് നിങ്ങള്ക്ക് സാധിക്കും. അത് എന്തൊക്കെയാണെന്ന് നമുക്ക് നോക്കാം.
വൈദ്യുതി ബില് കുറയ്ക്കാന് ആദ്യം ചെയ്യേണ്ട കാര്യം ഉപയോഗത്തിലില്ലാത്ത സമയത്ത് ഇലക്ട്രിക് ഉപകരണങ്ങളുടെ സ്വിച്ച് ഓഫ് ചെയ്യുകയും പ്ലഗ് പോയിന്റില് നിന്ന് അവയുടെ പ്ലഗ് വേര്പ്പെടുത്തിവയ്ക്കുകയുമാണ്. കംപ്യൂട്ടര്, ടിവി എന്നിവയുടെ ഉപയോഗം കഴിഞ്ഞാല് പവര് ബട്ടണ് ഓഫ് ചെയ്തതുകൊണ്ട് മാത്രം കാര്യമില്ല. പ്ലഗ് പോയിന്റിലെ സ്വിച്ച് ഓഫ് ചെയ്യുക തന്നെ വേണം. ദിവസവും വസ്ത്രങ്ങള് ഇസ്തിരിയിടുന്ന പ്രവണത നല്ലതല്ല. അത് വൈദ്യുതി ഉപയോഗം ഭീമമായ രീതിയില് വര്ധിപ്പിക്കും. ആഴ്ചയിലോ രണ്ടാഴ്ചയില് ഒരിക്കലോ വസ്ത്രങ്ങള് ഒരുമിച്ച് ഇസ്തിരിയിട്ട ശേഷം എടുത്തുവയ്ക്കുക. അതിനുശേഷം ആവശ്യാനുസരണം ഉപയോഗിക്കുക. ഒറ്റയടിക്ക് കുറേയേറെ വസ്ത്രങ്ങള് ഇസ്തിരിയിടുന്നതാണ് വൈദ്യുതി ലാഭിക്കാന് നല്ലത്. ഫാന് ഉപയോഗം കറന്റ് ബില് അതിവേഗം വര്ധിപ്പിക്കുമെന്ന കാര്യം മനസിലാക്കുക. ഫാന് ഉപയോഗം നിയന്ത്രിക്കാന് പഠിച്ചാല് വൈദ്യുതി ബില്ലും കുറയ്ക്കാം. വീട്ടിലെ ടാങ്കില് വെള്ളം നിറയ്ക്കാന് മോട്ടര് ഉപയോഗിക്കുന്നതിലും അതീവ ശ്രദ്ധ വേണം. വൈകിട്ട് ആറിന് മുന്പ് മോട്ടര് പ്രവര്ത്തിപ്പിക്കുന്നതാണ് ഉചിതം. രാത്രി സമയങ്ങളില് മോട്ടര് പ്രവര്ത്തിപ്പിക്കുന്നത് വൈദ്യുതി വിനിയോഗം കൂട്ടും.
പീക്ക് ലോഡ് സമയത്തെ വൈദ്യുതി ഉപയോഗം നിയന്ത്രിക്കാന് ശ്രദ്ധിക്കണം. വൈകിട്ട് ആറര മുതല് രാത്രി 10 വരെയാണ് പീക്ക് ലോഡ് സമയം. ഈ മണിക്കൂറുകളില് വൈദ്യുതി ഉപയോഗം കുറയ്ക്കാന് പ്രത്യേകം ശ്രദ്ധിക്കണം. പീക്ക് ലോഡ് സമയത്ത് ഫ്രിഡ്ജ് ഓഫാക്കിയാല് 300 മെഗാവാട്ട് വൈദ്യുതി കേരളത്തിനു ലാഭിക്കാന് കഴിയുമെന്നാണ് വിദഗ്ധര് ചൂണ്ടിക്കാട്ടുന്നത്. മാത്രമല്ല വൈദ്യുതി ബില്ലും ഗണ്യമായി കുറയും.
