അനുബന്ധ വാര്ത്തകള്
- കൊവിഡ് പ്രതിസന്ധിയിൽ നിർമാതാക്കൾക്കൊപ്പം നിന്ന് അമ്മ: പ്രതിഫലം കുറയ്ക്കാൻ താരങ്ങൾക്ക് കത്തയച്ചു
- കൊവിഡ് നിയന്ത്രണങ്ങള് ലംഘിച്ചുകൊണ്ടുള്ള രാഷ്ട്രീയ പാര്ട്ടികള് നടത്തുന്ന സമരം: വിവരങ്ങള് അറിയിക്കാന് സര്ക്കാരിനോട് ഹൈക്കോടതി
- രോഗികളുടെ എണ്ണം 70,000 വരെ ഉയരാം, സംസ്ഥാനത്ത് എല്ലാ പഞ്ചായത്തുകളിലും കൊവിഡ് ഫസ്റ്റ് ലൈൻ ചികിത്സാ കേന്ദ്രങ്ങൾ തുറക്കും
- കോഴിക്കോട് ജില്ലയിൽ ഞായറാഴ്ചകളിൽ സമ്പൂർണ ലോക്ഡൗൺ
- ഒറ്റ ദിവസം 29,429 പേർക്ക് രോഗബാധ, 582 മരണം, രാജ്യത്ത് കൊവിഡ് ബാധിതരുടെ എണ്ണം 9,36,181
കൊവിഡ് കാലത്ത് പ്രതിഷേധ സമരങ്ങൾ വേണ്ട: കടിഞ്ഞാണിട്ട് ഹൈക്കോടതി
കൊവിഡ്കാലത്ത് പ്രതിഷേധസമരങ്ങൾ പാടില്ലെന്ന് കേന്ദ്രസർക്കാർ നിർദേശങ്ങൾ കർശനമായി പാലിക്കണമെന്ന് ഹൈക്കോടതി. കേന്ദ്രനിർദേശങ്ങൾ പാലിക്കപ്പെടുന്നുണ്ടെന്ന് സംസ്ഥാന സർക്കാർ ഉറപ്പാക്കണമെന്ന് കോടതി നിർദേശിച്ചു.മാനദണ്ഡങ്ങൾ ലംഘിച്ച് സമരം നടന്നാൽ ഡിജിപിയും ചീഫ് സെക്രട്ടറിയും ഉത്തരവാദികളായിരിക്കുമെന്ന് വ്യക്തമാക്കിയ ഹൈക്കോടതി എല്ലാ രാഷ്ട്രീയപാർട്ടികൾക്കും നോട്ടീസയക്കാനും തീരുമാനിച്ചിട്ടുണ്ട്.
കൊവിഡ് വ്യാപിക്കുന്ന സാഹചര്യത്തിൽ സംസ്ഥാനത്ത് സമരങ്ങൾ നിരോധിക്കണമെന്നാവശ്യപ്പെട്ട് സമര്പ്പിച്ച ഹർജി പരിഗണിച്ചാണ് ഹൈക്കോടതിയുടെ നിർദേശം.രാഷ്ട്രീയ പാർട്ടികൾ അടക്കം ആഹ്വാനം ചെയ്യുന്ന സമരങ്ങൾ കൊവിഡ് രോഗവ്യാപനത്തിന് ഇടയാക്കുമെന്നാണ് ഹർജിക്കാരുടെ വാദം. ഇത്തരത്തിൽ മാനദണ്ഡങ്ങൾ ലംഘിക്കപ്പെട്ടാൽ പാർട്ടികളുടെ അംഗീകാരം റദ്ദാക്കണമെന്നും ഹർജിയിൽ ആവശ്യപ്പെട്ടിരുന്നു.
