എ കെ ജെ അയ്യര്‍|
Last Modified വ്യാഴം, 24 ഡിസം‌ബര്‍ 2020 (09:26 IST)
നെടുമങ്ങാട്: പോലീസുകാരന്‍ എന്ന വ്യാജേന വീട്ടില്‍ അതിക്രമിച്ച് കയറി യുവതിയെ ലൈംഗികമായി പീഡിപ്പിച്ചയാളെ പോലീസ് അറസ്‌റ് ചെയ്തു. പാലോട് പൗവത്തൂര്‍ സ്മിത ഭവനില്‍ ദീപു കൃഷ്ണന്‍ എന്ന 37 കാരനാണ് പോലീസ് പിടിയിലായത്.
കഴിഞ്ഞ തിങ്കളാഴ്ചയാണ് ബന്ധുവിന്റെ ബൈക്കില്‍ ഇയാള്‍ യുവതിയുടെ വീട്ടിലെത്തിയത്. യുവതിയൊഴികെ വീട്ടില്‍ മറ്റാരുമില്ലായിരുന്നു. താന്‍ നെടുമങ്ങാട് പോലീസ് സ്റ്റേഷനിലെ പോലീസാണെന്നും ചില കാര്യങ്ങള്‍ ചോദിക്കാനുണ്ടെന്നും ഇയാള്‍ യുവതിയോട് പറഞ്ഞു. പിന്നീട് ചില പേപ്പറുകളില്‍ ഒപ്പിടാന്‍ പറഞ്ഞപ്പോള്‍ ഇയാള്‍ യുവതിയെ ഉപദ്രവി ക്കുകയായിരുന്നു. പിന്നീട് ഇയാള്‍ ബൈക്കില്‍ കയറി രക്ഷപ്പെട്ടു. എന്നാല്‍ യുവതി ഈ സമയം ബൈക്കിന്റെ നമ്പര്‍ നോട്ട് ചെയ്ത പോലീസില്‍ വിവരം അറിയിച്ചു.
പിന്നീട് ഒളിവില്‍ പോയ ഇയാളെ കഴിഞ്ഞ ദിവസം രാത്രിയിലാണ് നെടുമങ്ങാട് സി.ഐ വി.രാജേഷ് കുമാറിന്റെ നേതൃത്വത്തിലുള്ള പോലീസ് സംഘം അറസ്‌റ് ചെയ്തത്. ഇയാള്‍ക്കെതിരെ പാലോട്, കരമന പോലീസ് സ്റ്റേഷനുകളില്‍ സമാനമായ കേസുകളുണ്ടെന്ന് പോലീസ് അറിയിച്ചു. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
