അനുബന്ധ വാര്ത്തകള്
- സംസ്ഥാനത്ത് ഇന്നലെ നിലവില് വന്നത് 17ഹോട്ട്സ്പോട്ടുകള്; 15പ്രദേശങ്ങളെ ഒഴിവാക്കി
- സംസ്ഥാനത്ത് 4424 പേര്ക്ക് സമ്പര്ക്കത്തിലൂടെ രോഗം; 20മരണം
- അയ്യായിരം കടന്ന് രോഗികൾ, ഇന്ന് കൊവിഡ് സ്ഥിരീകരിച്ചത് 5376 പേർക്ക്, 20 മരണം
- 4 ലക്ഷം പ്രീ സ്കൂള് കുട്ടികള്ക്ക് വീടുകളില് കളര് പോസ്റ്ററുകള് എത്തിക്കും: കെകെ ശൈലജ
- സെക്രട്ടറിയേറ്റിലെ തീപിടുത്തം: മാധ്യമങ്ങള്ക്കെതിരെ സര്ക്കാര് നിയമ നടപടിക്ക് ഒരുങ്ങുന്നു
മാധ്യമങ്ങള്ക്കെതിരായ നീക്കം ഫാസിസം:മുല്ലപ്പള്ളി
സ്വതന്ത്ര മാധ്യമപ്രവര്ത്തനത്തിന്റെ വായ മൂടിക്കെട്ടാനുമുള്ള നടപടിയുടെ ഭാഗമാണ് മാധ്യമങ്ങള്ക്കെതിരായ സര്ക്കാര് നീക്കത്തിന് പിന്നിലെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്. ഇത് തികഞ്ഞ ഫാസിസമാണെന്നും അദ്ദേഹം കൂട്ടിച്ചേര്ത്തു.
സര്ക്കാരിന്റെ ഈ നീക്കത്തെ സര്വ്വശക്തിയും ഉപയോഗിച്ച് കോണ്ഗ്രസ് പരാജയപ്പെടുത്തും.സ്വതന്ത്രവും നിര്ഭയവുമായ മാധ്യമപ്രവര്ത്തനമാണ് ജനാധിപത്യത്തിന്റെ അടിത്തറ.അത് തകര്ക്കുന്ന ഒരു നടപടിയും അംഗീകരിക്കാന് സാധ്യമല്ല. മാധ്യമപ്രവര്ത്തകരോട് ഇതുപോലെ അസഹിഷ്ണുതയും വിദ്വേഷവും കാണിച്ച ഒരു മുഖ്യമന്ത്രി കേരളം ഭരിച്ചിട്ടില്ല.മാധ്യമങ്ങളെ ശത്രുവായി കാണുന്ന ഭരണകൂടമാണ് കേരളം ഭരിക്കുന്നത്. ജനാധിപത്യത്തിന്റെ നാലാം തൂണെന്ന് വിശേഷിപ്പിക്കുന്ന മാധ്യമങ്ങളെ തകര്ക്കാനുള്ള ശ്രമം രാജ്യത്തെ അസ്ഥിരപ്പെടുത്താനുള്ള നീക്കമായേ കാണാന് കഴിയൂയെന്നും മുല്ലപ്പള്ളി പറഞ്ഞു.
