തിരുവനന്തപുരം|
Last Modified വെള്ളി, 23 മെയ് 2014 (15:17 IST)
കോഴിക്കോട് ജില്ലയിലെ നാദാപുരത്ത് ചുവടെ പറയുന്ന കോഴ്‌സുകളുടെ കൂടി ആവശ്യമായ അധ്യാപക-അനധ്യാപക തസ്തികകള്‍ സൃഷ്ടിച്ച്‌കൊണ്ട് ഈ അധ്യയന വര്‍ഷം മുതല്‍ സര്‍ക്കാര്‍ ആര്‍ട്‌സ് ആന്‍ഡ് സയന്‍സ് കോളേജ് ആരംഭിക്കുന്നതിന് അനുമതി നല്‍കി ഉത്തരവ് പുറപ്പെടുവിച്ചു.
കോഴ്‌സുകള്‍ : ബികോം വിത്ത് കമ്പ്യൂട്ടര്‍ ആപ്ലിക്കേഷന്‍, ബിഎ ഇംഗ്ലീഷ്, ബിഎ ഇക്കണോമിക്‌സ്, ബിഎസ്‌സി ഫിസിക്‌സ്, ബിഎസ്‌സി സൈക്കോളജി. സ്ഥിരനിയമനത്തിനായി അധ്യാപക തസ്തികകള്‍ സൃഷ്ടിക്കപ്പെടുന്നതുവരെ ഗസ്റ്റ് അധ്യാപകരെ ഉപയോഗിച്ച് കോഴ്‌സുകള്‍ നടത്താനും തീരുമാനമായി.
ഇതിനൊപ്പം
കോളേജിന്റെ പ്രവര്‍ത്തനങ്ങള്‍ ഏകോപിപ്പിക്കുന്നതിനായി സ്‌പെഷല്‍ ഓഫീസറെ നിയമിക്കാന്‍ കോളേജ് വിദ്യാഭ്യാസ ഡയറക്ടറെ ചുമതലപ്പെടുത്തിയും ഉത്തരവായിട്ടുണ്ട്. നാദാപുരം വില്ലേജിലെ പെരുവങ്കരയില്‍ അഞ്ച് ഏക്കര്‍ സ്ഥലത്താണ് കോളേജ് ആരംഭിക്കുന്നത്.
