അനുബന്ധ വാര്ത്തകള്
- ഇന്ത്യയില് നിന്ന് യുഎഇയിലേക്കുള്ള സർവീസുകൾക്കായി എയര് ഇന്ത്യ എക്സ്പ്രെസ്സ് ബുക്കിങ് ആരംഭിച്ചു
- കഴിഞ്ഞ ദിവസം ആലപ്പുഴയില് മരിച്ച നിലയില് കണ്ടെത്തിയ, രണ്ടുമാസംമുന്പ് വിവാഹിതരായ ദമ്പതികളില് ഭാര്യക്ക് കൊവിഡ് സ്ഥിരീകരിച്ചു
- ഹെക്ടർ പ്ലസ് ജൂലൈ 13ന് ഇന്ത്യൻ വിപണിയിലേയ്ക്ക്
- സംസ്ഥാനത്ത് കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം
- ഹെർബൽ മൈസൂർ പാക് കഴിച്ചാൽ കൊവിഡ് മാറുമെന്ന് പരസ്യം, ബേക്കറി പൂട്ടിച്ച് തമിഴ്നാട് സർക്കാർ
സ്വപ്ന സുരേഷിന് സംരക്ഷണമൊരുക്കുന്നത് ആരെന്ന് മുഖ്യമന്ത്രി വിശദീകരിക്കണമെന്ന് മുല്ലപ്പള്ളി
സ്വര്ണകള്ളക്കടത്തു കേസിലെ പ്രധാന നായിക എന്നുപറയപ്പെടുന്ന സ്വപ്ന സുരേഷ് ഒരാഴ്ചയിലധികമായി ഒളിവില് പാര്ക്കുന്നത് ആരുടെ പിന്ബലത്തിലും സംരക്ഷണയിലുമാണെന്നു ആഭ്യന്തരവകുപ്പിന്റെ ചുമതലയുള്ള മുഖ്യമന്ത്രി വിദശീകരിക്കണമെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്.
ട്രിപ്പിള് ലോക്ഡൗണ് പ്രഖ്യാപിച്ച ശേഷം താനടക്കമുള്ള ആളുകള്ക്ക് വീട്ടില് നിന്ന് പുറത്ത് ഇറങ്ങാനുള്ള സാഹചര്യം പൂര്ണ്ണമായി നിഷേധിച്ച സര്ക്കാരാണിത്. കോവിഡ് പ്രതിരോധവുമായി ബന്ധപ്പെട്ട് കാക്കി ഉടുപ്പിട്ട മുഴുവന് പോലീസുകാരേയും ഉദ്യോഗസ്ഥരേയും രാപ്പകല് വ്യത്യാസമില്ലാതെ നിരത്തിലിറക്കിയിരിക്കുകയാണ് സര്ക്കാര്. നഗരം താഴിട്ട് പൂട്ടിയ ഈ സാഹചര്യത്തില് ഒരുകുറ്റവാളിക്ക് ഒളിവില് പാര്ക്കണമെങ്കില് ഉന്നതതലത്തിലുള്ള ബന്ധങ്ങളും സംരക്ഷണവും അനിവാര്യമാണ്. മുഖ്യമന്ത്രി ഈ കാര്യത്തില് അടിയന്തിരമായി വിശദീകരണം നല്കണം. ഒരു നിമിഷം ഇനിയും വൈകിയാല് കേസിന്റെ ഗതിയാകെമാറുമെന്നും അദ്ദേഹം പറഞ്ഞു.
