അനുബന്ധ വാര്ത്തകള്
- വിമാനത്താവള ചവറ്റുകൊട്ടയിൽ നിന്ന് ഉപേക്ഷിക്കപ്പെട്ട കോടികളുടെ സ്വർണ്ണം കണ്ടെത്തി
- സ്വർണ്ണക്കടത്ത് : തിരുവനന്തപുരത്ത് 54 ലക്ഷത്തിൻ്റെ സ്വർണ്ണം പിടിച്ചു
- ബറോസും ബസൂക്കയും സെപ്റ്റംബറിൽ? ഓണത്തിന് വീണ്ടും മോഹൻലാൽ- മമ്മൂട്ടി ക്ലാഷ്!
- ക്ലാഷ് റിലീസ്, ധനുഷോ കമല്ഹാസനോ? ജൂണിലെത്തുന്നു വമ്പന് സിനിമകള്
- കരിപ്പൂരിൽ വൻ സ്വർണ്ണവേട്ട : 5.26 കോടിയുടെ സ്വർണ്ണം പിടിച്ചു
സ്വർണ്ണക്കടത്ത് ഗുണ്ടാസംഘങ്ങൾ ഏറ്റുമുട്ടി : ആറു പേർ പിടിയിൽ
വയനാട്: സ്വർണ്ണക്കടത്ത് ഗുണ്ടാസംഘങ്ങൾ തമ്മിൽ മാരകായുധങ്ങൾ ഉപയോഗിച്ച് ചേരിതിരിഞ്ഞ ഏറ്റുമുട്ടിയതിനെ തുടർന്ന് പോലീസ് ആറു പേരെ അറസ്റ്റ് ചെയ്തു. സ്വർണ്ണക്കട ത്തുമായി ബന്ധപ്പെട്ടായിരുന്നു സംഘങ്ങൾ തമ്മിൽ ഏറ്റുമുട്ടിയത്. കഴിഞ്ഞ ദിവസം പൊതുതന പെരുങ്കോടയിൽ വച്ചായിരുന്നു ഏറ്റുമുട്ടൽ.
വൈത്തിരി പൊഴുതന സ്വദേശികളായ റാഷിദ് (31), മുഹമ്മദ് ഷമീർ (34), കാരിയാട്ട് പൂഴിൽ ഇബ്രാഹിം (34), തനിയാട്ടിൽ നിശാം (31), പട്ടർ മഠം മുബഷീർ (31), ഒളിയമറ്റത്തിൽ സൈജു (31) എന്നിവരാണ് പോലീസ് പിടിയിലായത്. മലപ്പുറം സ്വദേശി ശിഹാബിൽ നിന്ന് പൊഴുതന സ്വദേശി റാഷിദ് മുംബൈയിൽ വച്ച് സ്വർണ്ണം തട്ടിയെടുത്തു എന്നും ഇതുമായി ബന്ധപ്പെട്ടാണ് ആയുധങ്ങൾ കൈവശം വച്ച് തെരുവിൽ ഏറ്റുമുട്ടിയത് എന്നാണു പോലീസ് പറയുന്നത്.
ഏറ്റുമുട്ടലിൽ പരുക്കേറ്റ അരീക്കോട് മൂർക്കനാട് സ്വദേശി ഹാരിസിന്റെ (29) പരാതിയിലാണ് പോലീസ് റാഷിദിനെയും സംഘത്തെയും പിടികൂടിയത്. എന്നാൽ ഇതിനൊപ്പം റഷീദ് നൽകിയ പരാതിയെ തുടർന്ന് മലപ്പുറം സ്വദേശി ശിഹാബിനെയും സംഘത്തെയും പിടികൂടാനുള്ള തയ്യാറെടുപ്പിലാണ്. വൈത്തിരി പോലീസ് എസ്.എച്ച്.ഒ ഉത്തംദാസിന്റെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്. പിടിയിലായവരെ കോടതി റിമാൻഡ് ചെയ്തു.
അടുത്ത ലേഖനം
