അനുബന്ധ വാര്ത്തകള്
- കെ.എസ്.എഫ്.ഇ യിൽ നിന്ന് 50 ലക്ഷം തട്ടിയ രണ്ടു പേർ അറസ്റ്റിൽ
- ആഭരണം നിർമ്മിക്കാൻ നൽകിയ സ്വർണ്ണവുമായി കടന്ന ആൾ പിടിയിൽ
- അബ്ദുള് നാസര് മദനിയുടെ ആരോഗ്യനില മോശമായി തുടരുന്നു; ഉടന് വീട്ടിലേക്ക് പോകാന് സാധിക്കില്ല
- കേരളതീരം വരെ ന്യൂനമർദ്ദപാത്തി, ഇന്ന് വ്യാപക മഴ
- പാലക്കാട്-തൃശൂര് ദേശീയപാതയില് വിള്ളല്; ഗതാഗത നിയന്ത്രണം ഏര്പ്പെടുത്തി, റോഡ് ഇടിയുമെന്ന് ആശങ്ക
രണ്ടു കോടിയുടെ പാമ്പിൻ വിഷയവുമായി മുൻ പഞ്ചായത്ത് പ്രസിഡന്റ് അറസ്റ്റിൽ
മലപ്പുറം: രണ്ടു കോടി രൂപ വിലവരുന്ന പാമ്പിൻ വിഷയവുമായി മുൻ പഞ്ചായത്ത് പ്രസിഡന്റ് ഉൾപ്പെടെയുള്ള മൂന്നംഗ സംഘത്തെ പോലീസ് അറസ്റ്റ് ചെയ്തു. പത്തനംതിട്ട കോന്നി അതുമ്പുംകുളം സ്വദേശി പ്രദീപ് നായർ, കോന്നി ഐരവൺ സ്വദേശി ടി.പി.കുമാർ, കൊടുങ്ങല്ലൂർ മേതല സ്വദേശി ബഷീർ എന്നിവരാണ് കൊണ്ടോട്ടിയിലെ ലോഡ്ജിൽ നിന്ന് പിടിയിലായത്. പിടിയിലായ ടി.പി.കുമാർ പത്തനംതിട്ട അരുവാപ്പുലം പഞ്ചായത്തിന്റെ മുൻ പ്രസിഡന്റായിരുന്നു.
ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തെ തുടർന്നു ഇവരെ പിടികൂടിയപ്പോൾ പാമ്പിൻവിഷം ഫ്ളാസ്കിൽ ഒളിപ്പിച്ച നിലയിലാണ് കണ്ടെത്തിയത്. മലപ്പുറം സ്വദേശിക്ക് നൽകാനാണ് ഇതുമായി ഇവർ കൊണ്ടോട്ടിയിൽ എത്തിയത്. ഇവർക്ക് വിഷം എത്തിച്ചുകൊടുത്ത ആളെക്കുറിച്ചു പൊലീസിന് വിവരം ലഭിച്ചതായി സൂചനയുണ്ട്. പ്രതികളെ പാമ്പിൻവിഷവുമായി വനം വകുപ്പിന് കൈമാറി.
