അനുബന്ധ വാര്ത്തകള്
- കോട്ടയത്ത് മൂന്ന് പെൺമക്കളുടെ കഴുത്തറുത്ത് പിതാവ് ആത്മഹത്യ ചെയ്തു, 7 വയസ്സുകാരിയുടെ നില ഗുരുതരം
- Sunny Leone: മലയാളി പെണ്ണായി സണ്ണി ലിയോണ്,റാംപ് വാക്ക്, കോഴിക്കോട്ടുകാരുടെ മനം കവര്ന്ന് താര സുന്ദരി
- പുതുപ്പള്ളി ഉപതിരഞ്ഞെടുപ്പ്: മണ്ഡലത്തിലെ സ്വകാര്യ മേഖലയിലെ ജീവനക്കാര്ക്ക് വേതനത്തോടുകൂടിയ അവധി അനുവദിക്കണമെന്ന് ഉത്തരവ്
- ഓണക്കാല തട്ടിപ്പ്: സംസ്ഥാനമൊട്ടാകെ ലീഗല് മെട്രോളജി വകുപ്പ് നടത്തിയ പരിശോധനയില് പിഴ ഈടാക്കിയത് 41.99 ലക്ഷം രൂപ
- സംസ്ഥാനത്ത് ഇന്നും മഴ കനക്കും; ഈ ജില്ലകളില് യെല്ലോ അലര്ട്ട്
തദ്ദേശ സ്വയംഭരണ സ്ഥാപനങ്ങളിലെ വോട്ടര് പട്ടികയില് പേര് ചേര്ക്കുന്നതിന് സെപ്റ്റംബര് 23 വരെ അവസരം
തദ്ദേശ സ്വയംഭരണ സ്ഥാപനങ്ങളിലെ വോട്ടര് പട്ടികയില് പേര് ചേര്ക്കുന്നതിന് സെപ്റ്റംബര് 23 വരെ അവസരമുണ്ടാകുമെന്ന് സംസ്ഥാന തെരഞ്ഞെടുപ്പ് കമ്മീഷണര് എ.ഷാജഹാന് അറിയിച്ചു. കരട് പട്ടിക സെപ്റ്റംബര് എട്ടിനും അന്തിമ പട്ടിക ഒക്ടോബര് 16 നും പ്രസിദ്ധീകരിക്കും. മരണപ്പെട്ടവരെയും താമസം മാറിയവരെയും പട്ടികയില് നിന്ന് ഒഴിവാക്കുന്നതിനും നടപടി സ്വീകരിക്കും.
2020 ലെ പൊതുതെരഞ്ഞെടുപ്പിന് ശേഷം ആദ്യമായാണ് മുഴുവന് തദ്ദേശ സ്ഥാപനങ്ങളിലെയും വോട്ടര് പട്ടിക പുതുക്കുന്നത്. ഉപതെരഞ്ഞെടുപ്പ് നടന്ന വാര്ഡുകളില് അതിനായി പട്ടിക പുതുക്കിയിരുന്നു. ജനുവരി ഒന്നിനോ അതിന് മുമ്പോ 18 വയസ് പൂര്ത്തിയായ അര്ഹതപ്പെട്ടവരെ പട്ടികയില് ഉള്പ്പെടുത്തുന്നതിനും അനര്ഹരെ ഒഴിവാക്കുന്നതിനുമാണ് സംക്ഷിപ്ത പുതുക്കല് നടത്തുന്നത്. തദ്ദേശ ഉപതെരഞ്ഞടുപ്പിനും 2025 ലെ പൊതു തെരഞ്ഞൈടുപ്പിനും ആവശ്യമായ ഭേദഗതികളോടെ ഈ പട്ടിക ഉപയോഗിക്കും.
പട്ടികയില് പേര് ചേര്ക്കാനും തിരുത്താനും sec.kerala.gov.in സൈറ്റില് ഓണ്ലൈനായി അപേക്ഷിക്കാം. പേര് ഒഴിവാക്കുന്നതിന് ഓണ്ലൈനില് രജിസ്റ്റര് ചെയ്ത് പ്രിന്റൗട്ട് നേരിട്ടോ തപാലിലൂടെയോ ഇലക്ട്രല് രജിസ്ട്രേഷന് ഓഫീസര്ക്ക് നല്കണം. അക്ഷയ കേന്ദ്രം, അംഗീകൃത ജനസേവനകേന്ദ്രം എന്നിവ മുഖേനയും അപേക്ഷ സമര്പ്പിക്കാം.
