നഗര മദ്ധ്യത്തിലെ സ്വകാര്യ ഹോട്ടലിന്റെ പിറകിലുള്ള പുരയിടത്തിലെ കിണറ്റില്‍ അഴുകിയ നിലയിലുള്ള മൃതദേഹം കണ്ടെത്തി. 55 വയസോളം തോന്നിക്കുന്ന മൃതദേഹം 20 ദിവസത്തിലേറെ പഴക്കമുള്ളതാണെന്നാണു കണക്കാക്കുന്നത്. അഴുകി പുഴുവരിച്ച നിലയിലാണ് ആള്‍പ്പാര്‍പ്പില്ലാത്ത വീട്ടിലെ കിണറ്റില്‍ മൃതദേഹം കണ്ടെത്തിയത്.

കിണറ്റില്‍ അഞ്ചടിയോളം വെള്ളമുണ്ടായിരുന്നു. അസഹ്യമായ ദുര്‍ഗന്ധത്തെ തുടര്‍ന്നാണു മൃതദേഹം കണ്ടെത്തിയത്. വര്‍ഷങ്ങളായി ആള്‍പ്പാര്‍പ്പില്ലാത്ത വീടിനോട് ചേര്‍ന്നാണു കിണര്‍.

മൃതദേഹം പോസ്റ്റ്മാര്‍ട്ടത്തിനായി തിരുവനന്തപുരം മെഡിക്കല്‍ കോളേജ് ആശുപത്രിയില്‍ എത്തിച്ചിട്ടുണ്ട്. അതേ സമയം അടുത്തുള്ള വീട്ടിലെ ഗൃഹനാഥനെ കഴിഞ്ഞ മൂന്നാഴ്ചയായി കാണാനില്ലെന്ന് പരാതിയുണ്ടെന്നും റിപ്പോര്‍ട്ടുണ്ട്.