അഭിറാം മനോഹർ|
Last Modified ബുധന്‍, 6 ജനുവരി 2021 (20:01 IST)
കേരളത്തിലെ കൊവിഡ് വ്യാപനത്തിന്റെ സ്ഥിതി വിലയിരുത്താൻ കേന്ദ്രസംഘം മറ്റന്നാൾ സംസ്ഥാനത്തെത്തും. സംസ്ഥനത്തിലെ ഉയർന്ന രോഗവ്യാപനം കണക്കിലെടുത്താണ് ആരോഗ്യമന്ത്രാലയത്തിന്റെ തീരുമാനം. എസിഡിസി മേധാവിയുടെ നേതൃത്വത്തിലുള്ള സംഘമാണ് എത്തുക.
സംസ്ഥാനത്ത് കൊവിഡ് നിയന്ത്രിക്കുന്നതിന് ആരോഗ്യവകുപ്പ് സ്വീകരിക്കുന്ന നടപടികൾ എന്തെല്ലാം,ടെസ്റ്റിങ് എങ്ങനെ, ഇതിൽ പിഴവുകളുണ്ടോ, കേന്ദ്രസർക്കാരിന്റെ കൂടുതൽ സഹായങ്ങൾ ആവശ്യമുണ്ടോ എന്നെല്ലാം പരിശോധിക്കാനാണ് കേന്ദ്രസംഘം എത്തുന്നത്.
അതേസമയം സംസ്ഥാനത്ത് ഇന്ന് 6394 പേർക്കാണ് കൊവിഡ് സ്ഥിരീകരിച്ചിരിക്കുന്നത്. എറണാകുളത്ത് ആയിരത്തിലധികം കേസുകൾ റിപ്പോർട്ട് ചെയ്‌തു. നിലവിൽ 10% ടെസ്റ്റ് പോസിറ്റിവിറ്റി നിരക്കാണ് കേരളത്തിലുള്ളത്.
