1. വാര്‍ത്താലോകം
  2. വാര്‍ത്ത
  3. കേരള വാര്‍ത്ത
  4. Amrit bharat 15 railway stations work will be completed in 2025 january

അമൃത് ഭാരത്: കേരളത്തിലെ 15 റെയിൽവേ സ്റ്റേഷനുകളുടെ പണി ജനുവരിയിൽ പൂർത്തിയാവും

Amrit stations
Amrit stations
കേരളത്തിലെ അമൃത് 15 അമൃത് റെയില്‍വേ സ്റ്റേഷനുകളുടെ പണി ജനുവരിയില്‍ പൂര്‍ത്തിയാകുമെന്ന് സൂചന. ഇന്ത്യയിലെ 1309 റെയില്‍വേ സ്റ്റേഷനുകളില്‍ 508 ഇടത്ത് അതിവേഗത്തിലാണ് നവീകരണ പ്രവര്‍ത്തനങ്ങള്‍ നടക്കുന്നത്. കേരളത്തില്‍ 2 ഡിവിഷനുകളിലായി 30 സ്റ്റേഷനുകളാണ് പദ്ധതിക്ക് കീഴിലുള്ളത്.
 
പാലക്കാട് ഡിവിഷനിലെ 16 സ്റ്റേഷനുകളില്‍ 249 കോടിയുടെ പദ്ധതിയാണ് നടക്കുന്നത്. ഇതില്‍ കണ്ണൂര്‍ ഒഴികെയുള്ള സ്റ്റേഷനുകളിലെ പണികള്‍ ജനുവരിയില്‍ പൂര്‍ത്തിയാകും. നിലവില്‍ 9 സ്റ്റേഷനുകളില്‍ പ്രവര്‍ത്തനങ്ങള്‍ 80 ശതമാനം പൂര്‍ത്തിയായികഴിഞ്ഞു. സ്റ്റേഷന്‍ വികസനത്തിനൊപ്പം വാണിജ്യസമുച്ചയങ്ങളും റെയില്‍വേ സ്റ്റേഷന്റെ ഭാഗമായി ഉയരും. കേരളത്തില്‍ 7 റെയില്‍വേ സ്റ്റേഷനുകളിലാകും ഇവയുണ്ടാവുക. ഇതിനായി തിരുവനന്തപുരം-497 കോടി രൂപ, കോഴിക്കോട്-472.96 കോടി,എറണാകുളം ജങ്ങ്ഷന്‍- 444.63 കോടി, കൊല്ലം-384.39 കോടി, എറണാകുളം ടൗണ്‍-226 കോടി, വര്‍ക്കല-133 കോടി അനുവദിച്ചിട്ടുണ്ട്.
 
മേല്‍നടപ്പാതകള്‍,എസ്‌കലേറ്റര്‍,ലിഫ്റ്റുകള്‍,പാര്‍ക്കിംഗ്,പ്ലാറ്റ്‌ഫോമുകള്‍,കൂടുതല്‍ വിശ്രമമുറികള്‍,ആധുനിക അറിയിപ്പ് സംവിധാനം,സിസിടിവി, പഴയ കെട്ടിടങ്ങള്‍ മാറ്റി സ്ഥാപിക്കുക എന്നതെല്ലാമാണ് അമൃത് പദ്ധതിയില്‍ ഉള്‍പ്പെടുന്നത്.
 
 കേരളത്തിലെ അമൃത് പദ്ധതിയുടെ ഭാഗമായ റെയില്‍വേ സ്റ്റേഷനുകള്‍:
 
വടക്കാഞ്ചേരി,ഗുരുവായൂര്‍,ആലപ്പുഴ,തിരുവല്ല,ചിറയിന്‍കീഴ്,ഏറ്റുമാനൂര്‍,കായംകുളം,തൃപ്പൂണിത്തുറ,ചാലക്കുടി,ഷൊര്‍ണൂര്‍,തലശ്ശേരി,ചങ്ങനാശ്ശേരി, മാവേലിക്കര,അങ്കമാലി,നെയ്യാറ്റിന്‍കര,മാവേലിക്കര,കുറ്റിപ്പുറം,ഒറ്റപ്പാലം,തിരൂര്‍,വടകര,പയ്യന്നൂര്‍,നിലമ്പൂര്‍ റോഡ്,കണ്ണൂര്‍,കാസര്‍കോട്,മാഹി,പരപ്പനങ്ങാടി,ഫറോക്ക്,അങ്ങാടിപ്പുറം
 
അടുത്ത ലേഖനം
ശബരിമലയില്‍ ഹിന്ദുക്കളായ പുരുഷന്മാര്‍ക്ക് അവസരം; അപേക്ഷിക്കേണ്ടത് ഇങ്ങനെ