Biju|
Last Modified ഞായര്‍, 27 ഏപ്രില്‍ 2014 (16:21 IST)
മികച്ച നടനുള്ള ദേശീയ പുരസ്കാരം നേടിയ സുരാജ് വെഞ്ഞാറമ്മൂടിന് ഹാസ്യനടനുള്ള സംസ്ഥാന പുരസ്കാരം നല്‍കിയ ജൂറിയുടെ നടപടി ധിക്കാരമാണെന്ന് സ്പീക്കര്‍ ജി കാര്‍ത്തികേയന്‍. ഹാസ്യനടനുള്ള സംസ്ഥാന അവാര്‍ഡ് സുരാജിന് നല്‍കിയത് വലിയ തെറ്റാണെന്നും കാര്‍ത്തികേയന്‍ പറഞ്ഞു.
സുരാജിനെ ആദരിക്കുന്ന ‘പ്രിയപ്പെട്ട സുരാജ്’ എന്ന ചടങ്ങില്‍ സംസാരിക്കുകയായിരുന്നു കാര്‍ത്തികേയന്‍. ദേശീയ അവാര്‍ഡ് ലഭിച്ച വര്‍ഷം തന്നെ അദ്ദേഹത്തിന് ഹാസ്യ അവാര്‍ഡ് നല്‍കിയത് ഉചിതമായില്ല എന്ന് ‘പേരറിയാത്തവര്‍’ എന്ന ചിത്രത്തിന്‍റെ സംവിധായകന്‍ ഡോ. ബിജു പറഞ്ഞു. ഡോ. ബിജുവിനെയും ചടങ്ങില്‍ ആദരിച്ചു. മന്ത്രി വി എസ് ശിവകുമാറും ചടങ്ങില്‍ സംബന്ധിച്ചു.
ഇന്ദ്രന്‍സ് ഉള്‍പ്പടെയുള്ള സിനിമാപ്രവര്‍ത്തകരും മിമിക്രി കലാകാരന്‍‌മാരും സുരാജിനെ ആദരിക്കാനെത്തി.
