കൊച്ചി|
aparna|
Last Modified വെള്ളി, 21 ജൂലൈ 2017 (11:22 IST)
കൊച്ചിയില്‍ യുവനടിയെ ആക്രമിക്കുന്ന ദൃശ്യങ്ങള്‍ അടങ്ങിയ മൊബൈല്‍ ഫോണ്‍ താന്‍ നശിപ്പിച്ചുവെന്ന് പള്‍സര്‍ സുനിയുടെ മുന്‍ അഭിഭാഷകന്‍ പ്രതീഷ് ചാക്കോ പൊലീസിനോട് പറഞ്ഞു. സുനി തന്നെ ഏല്‍പ്പിച്ച മൊബൈല്‍ ജൂനിയറിന് കൈമാറിയെന്നും പിന്നീട് ഫോണ്‍ നശിപ്പിച്ചെന്നും സുനി പൊലീസിന് മൊഴി നല്‍കി. ഇയാളുടെ മൊഴി പൊലീസ് പരിശോധിക്കും.
പള്‍സര്‍ സുനിയ്ക്ക് വേണ്ടി ആദ്യം ഹാജരായ അഭിഭാഷകന്‍ പ്രതീഷ് ചാക്കോയാണ് കേസില്‍ സുപ്രധാനമായേക്കാവുന്ന ഈ മൊഴി നല്‍കിയത്. കേസില്‍ സുപ്രധാന തെളിവ്‌ നശിപ്പിച്ചുകളഞ്ഞതിനും അതിന് കൂട്ടുനിന്നതിനും പ്രതീഷ് ചാക്കോയ്‌ക്കെതിരെ കൂടുതല്‍ കുറ്റങ്ങള്‍ പുതിയ സാഹചര്യത്തില്‍ പോലീസ് ചുമത്തിയേക്കുമെന്നാണ് റിപ്പോര്‍ട്ടുകള്‍.
അതേസമയം, ദൃശ്യങ്ങള്‍ താന്‍ ‘വി ഐ പി’ക്ക് കൈമാറിയെന്ന് പ്രതീഷ് ചാക്കോ പൊലീസിന് മൊഴി നല്‍കിയതായി നേരത്തേ റിപ്പോര്‍ട്ടുകള്‍ വന്നിരുന്നു. ‘വി ഐ പി’ ആരാണെന്നും ഇയാള്‍ പൊലീസിന് വിവരം കൈമാറിയെന്ന് മംഗളം റിപ്പോര്‍ട്ട് ചെയ്യുന്നു.
