കോണ്‍ഗ്രസ് നേതാവിന്റെ ലിംഗം ആറുപേരടങ്ങിയ അക്രമിസംഘം വെട്ടി. തിരുവനന്തപുരം മാറനല്ലൂര്‍ മണ്ഡലം കോണ്‍ഗ്രസ് ജനറല്‍ സെക്രട്ടറി ഊരൂട്ടമ്പലം പിടിയാക്കോട് സ്വദേശി സജികുമാറിനാണ് വെട്ടേറ്റത്. ഇന്നലെ രാത്രി പത്തരയോടെയായിരുന്നു സംഭവം.

ആക്രമണത്തില്‍ സജികുമാറിന്റെ കൈകാലുകള്‍ ഒടിയുകയും ചെയ്തിരുന്നു.സ്‌കൂട്ടറിലാണ് അക്രമികള്‍ സ്ഥലത്തെത്തിയത്. വാതില്‍ തകര്‍ത്ത് അകത്തുകടന്ന ഇവര്‍ സജികുമാറിനെ മര്‍ദ്ദിച്ച് അവശനാക്കിയശേഷം കമ്പി പാര ഉപയോഗിച്ച് കയ്യും കാലും അടിച്ചൊടിക്കുകയായിരുന്നു.

ആക്രമണം നടന്ന സമയത്ത് സജികുമാറിനെ കൂടാതെ വീട്ടില്‍ വൃദ്ധരായ മാതാപിതാക്കളും ഉണ്ടായിരുന്നു. മതാപിതാക്കളുടെ നിലവിളി കേട്ട് എത്തിയ സമീപവാസികളാണ് സജികുമാറിനെ ആശുപത്രിയിലെത്തിച്ചത്. സമീപവാസികള്‍ എത്തുമ്പോഴേക്കും അക്രമികള്‍ പോയിരുന്നു.