കുറ്റവാളികള്‍ മന്ത്രിമാരുടെ ഓഫീസില്‍ കയറിയിറങ്ങുന്നു; ക്രിമിനലുകളുടെ ഡേറ്റാ ബാങ്ക് തയാറാക്കാന് നിര്‍ദ്ദേശം
തിരുവനന്തപുരം|
WEBDUNIA|
PRO
സംസ്ഥാനത്തെ ക്രമിനലുകളുടെ ഡേറ്റാ ബാങ്ക് തയാറാക്കാന് ഡിജിപിയുടെ നിര്‍ദേശം. ജില്ലാ പൊലീസ് സൂപ്രണ്ടുമാര്‍ക്ക്‌ അയച്ച സന്ദേശത്തിലാണ്‌ ഡിജിപി ഇക്കാര്യം ആവശ്യപ്പെട്ടിരിക്കുന്നത്‌.
സാമ്പത്തിക കുറ്റകൃത്യ പശ്ചാത്തലമുള്ള പലരും മന്ത്രിമാരുടെ ഓഫീസുകളില്‍ കയറിയിറങ്ങുന്ന പശ്ചാത്തലത്തിലാണ്‌ നിര്‍ദേശമെന്നും മുഖ്യമന്ത്രിയുടെ ഓഫീസ്‌ ഇത്തരക്കാര്‍ ദുരുപയോഗം ചെയ്യുകയാണെന്നും ഡിജിപി കത്തില്‍ വ്യക്തമാക്കുന്നതായി ഒരു സ്വകാര്യ ചാനല്‍ പുറത്തുവിട്ട റിപ്പോര്‍ട്ടില്‍ പറയുന്നു.
രഹസ്യാന്വേഷണ വിഭാഗം മേധാവി ടി പി സെന്‍കുമാറിന്റെ നിര്‍ദേശമനുസരിച്ചാണ്‌ ഡിജിപി കത്തയച്ചിരിക്കുന്നത്‌. ഈ മാസം ഒന്‍പതിനാണ്‌ എസ്പിമാര്‍ക്ക്‌ ഡിജിപി കത്തയച്ചത്‌.
