അനുബന്ധ വാര്ത്തകള്
- എന്റെ പദ്ധതികൾ ഞാൻ അടിച്ചേൽപ്പിക്കാൻ ശ്രമിക്കാറില്ല: ഹിറ്റ്മാൻ പറയുന്നു
- ബൗളിങ് ചെയ്ഞ്ചുകൾ മികച്ചത്; ഗ്രൗണ്ടിൽ വിജയിച്ചത് രോഹിതിന്റെ തന്ത്രങ്ങൾ തന്നെ
- കെ എൽ രാഹുലിനെ സ്കോർ ചെയ്യാൻ അനുവദിയ്ക്കില്ല: തന്ത്രങ്ങൾ തയ്യാറെന്ന് ഷെയ്ൻ ബോണ്ട്
- ഇഷാൻ കിഷനെ എന്തുകൊണ്ട് സൂപ്പർ ഓവറിൽ അയച്ചില്ല ? രോഹിതിന്റെ മറുപടി ഇങ്ങനെ !
- ഇന്ത്യക്കാർ കളം നിറയുന്ന ഐപിഎൽ മാമാങ്കം
ഞാൻ രോഹിത്തിനെ അന്ധമായി വിശ്വസിക്കുന്നു, ഉത്തരവാദിത്തത്തോടെ ബാറ്റ് ചെയ്യാൻ പഠിച്ചത് മുംബൈയിൽ എത്തിയശേഷം: സൂര്യകുമാർ യാദവ്
മുംബൈ ഇന്ത്യൻസിന്റെ ഏറ്റവും പ്രധാനപ്പെട്ട താരങ്ങളിലൊരാളാണ് സൂര്യകുമാർ യാദവ്. മധ്യനിരയിൽ നങ്കൂരമിടുന്ന സൂര്യകുമാർ യാദവ് മികച്ച പ്രകടനമാണ് മുംബൈക്കായി പുറത്തെടുക്കുന്നത്. കഴിഞ്ഞ മത്സരത്തിൽ രാജസ്ഥാനെതിരെ സൂര്യകുമാർ നേടിയ 79 റൺസാണ് മുംബൈയെ വിജയത്തിലേക്ക് നയിച്ചത്. ഇപ്പോളിതാ തന്റെ വിജയങ്ങൾക്ക് പിന്നിൽ മുംബൈ നായകൻ രോഹിത് ശർമയാണ് തുറന്ന് പറഞ്ഞിരിക്കുകയാണ് താരം.
കൊൽക്കത്തയിൽ ലോവർ ഓർഡറിലാണ് ബാറ്റ് ചെയ്തിരുന്നത്. അതുകൊണ്ട് കഴിവുകൾ പുറത്തെടുക്കാൻ സാധിച്ചില്ല, എന്നാൽ മുംബൈയിൽ വന്നത് വഴിതിരിവായി. 2018 മുതല് ഞാന് മുംബൈ ഇന്ത്യന്സിനായി ടോപ് ഓര്ഡറില് ബാറ്റ് ചെയ്തുതുടങ്ങി. ക്യാപ്റ്റന് രോഹിത്തിന്റെ വാക്കുകളാണ് എനിക്ക് ആത്മവിശ്വാസം നൽകിയത്. അദ്ദേഹം പറയുന്നതെല്ലാം ഞാൻ ശ്രദ്ധിച്ചു, അനുസരിച്ചു. ഞാൻ രോഹിത്തിനെ അന്ധമായി തന്നെ വിശ്വസിക്കുന്നു. അദ്ദേഹത്തിൽ നിന്ന് ഒരുപാട് കാര്യങ്ങൾ പഠിക്കാനുണ്ട്. ലോവർ ഓർഡറിലും ടോപ് ഓര്ഡറിലും ഞാന് ബാറ്റിങ് ആസ്വദിച്ചിട്ടുണ്ട്. എന്നാൽ ഉത്തരവാദിത്തത്തോടെ ബാറ്റ് ചെയ്യാൻ പഠിച്ചത് മുംബൈയിൽ എത്തിയശേഷമാണ് സൂര്യകുമാർ യാദവ് പറഞ്ഞു.
