അനുബന്ധ വാര്ത്തകള്
- കോലിക്ക് ആശ്വാസം: ഐപിഎല്ലിലെ ആ നാണക്കേടിന്റെ റെക്കോഡ് ഇനി ഉത്തപ്പയ്ക്ക് സ്വന്തം
- ക്രിക്കറ്റ് വിട്ടാൽ ധോണി വെബ് സീരീസിലേക്ക്!
- ഐപിഎല്ലിൽ രാജസ്ഥാൻ റോയൽസ് കെകെആർ മത്സരം ഇന്ന്, എല്ലാ കണ്ണുകളും സഞ്ജുവിലേക്ക്
- ധോണിയെ പോലെ കളിക്കുന്നത് എളുപ്പമല്ല, അതിനെ പറ്റി ചിന്തിച്ചിട്ടില്ല: സഞ്ജു സാംസൺ
- കോലി യുഗം അവസാനിച്ചോ? ന്യൂസിലൻഡ് പര്യടനത്തിന് ശേഷം ഐപിഎല്ലിലും റൺ വരൾച്ച
കളി ദുബായിലാണെന്ന് ചിലർ അറിഞ്ഞില്ല, ഷാർജയിൽ തന്നെയെന്ന് കരുതി: രാജസ്ഥാൻ തോൽവിയിൽ പ്രതികരണവുമായി സ്റ്റീവ് സ്മിത്ത്
ഷാർജയിൽ അല്ല കളി നടക്കുന്നതെന്ന് ടീം അംഗങ്ങളിൽ ചിലർ മറന്നുപോയതായി രാജസ്ഥാൻ റോയൽസ് നായകൻ സ്റ്റീവ് സ്മിത്ത്. കൊൽക്കത്തക്കെതിരെ 37 റൺസിന്റെ തോൽവി നേരിട്ടതിന് പിന്നാലെയാണ് സ്മിത്തിന്റെ പ്രതികരണം.
പ്ലാൻ ചെയ്തത് പോലെയല്ല മത്സരട്ടിൽ സംഭവിച്ചതെന്ന് സ്മിത്ത് പറഞ്ഞു. ടി20യിൽ ചിലപ്പോൾ അങ്ങനെ സംഭവിക്കും. കൊൽക്കത്ത ചേസ് ചെയ്യാൻ ഇഷ്ടപ്പെടുന്ന ടീമാണ് എന്നതിനാൽ അവരുട്എ ഡെത്ത് ബൗളിങ്ങിന് സമ്മർദ്ദം കൊടുക്കാൻ ലക്ഷ്യമിട്ടാണ് ബൗളിങ് തിരഞ്ഞെടുത്തത്. എന്നാൽ തുടക്കത്തിൽ തന്നെ വിക്കറ്റുകൾ നഷ്ടമായത് തിരിച്ചടിയായി. ടീമിലെ കളിക്കാർ പലരും ഷാർജയിൽ നിന്നും ദുബായിൽ എത്തിയത് അറിയാത്ത പോലെയാണ് കളിച്ചത്. ഷാർജയിൽ നിന്നും വ്യത്യസ്തമായി ദുബായിലെ ബൗണ്ടറി വലുതാണ്. ഗ്രൗണ്ടിലെ മാറ്റങ്ങൾക്ക് അനുസരിച്ച് ഇണങ്ങാനായില്ല ക്യാച്ചുകൾ കൈവിട്ടതും തിരിച്ചടിയായി. സ്മിത്ത് പറഞ്ഞു.
രാജസ്ഥാന്റെ ആദ്യ രണ്ട് കളികളും നടന്നത് ഷാർജയിൽ ആയിരുന്നു. രണ്ട് മത്സരങ്ങളിലും രാജസ്ഥാൻ വിജയിക്കുകയും ചെയ്തിരുന്നു. ടീം നായകൻ സ്റ്റീവ് സ്മിത്തിന്റെയും സഞ്ജു സാംസണിന്റെയും പ്രകടനങ്ങളായിരുന്നു ടീം വിജയത്തിന് പിന്നിൽ. എന്നാൽ ദുബായിൽ രണ്ടക്കം കടക്കാതെയാണ് ഇരു താരങ്ങളും പുറത്തായത്.
