ഐപിഎല്ലിൽ ഇന്ന് മലയാളിപ്പോര്: സഞ്ജുവും ദേവ്‌ദത്തും നേർക്കുനേർ

Publish: Sat, 3 Oct 2020 (13:15 IST) Updated: Sat, 3 Oct 2020 (13:19 IST)

ഐപിഎല്ലിൽ ഇന്ന് രാജസ്ഥാൻ റോയൽസ് ബാംഗ്ലൂർ ചലഞ്ചേഴ്‌സിനെ നേരിടുമ്പോൾ രണ്ട് മലയാളി താരങ്ങൾ തമ്മിലുള്ള നേർക്കുനേർ പോരാട്ടം കൂടിയാകും അത്. രാജസ്ഥാന്റെ വിശ്വസ്‌ത താരം സഞ്ജു സാംസണും ബാംഗ്ലൂരിന്റെ പുതിയ ഓപ്പണിങ് താരാം ദേവ്‌ദത്ത് പടിക്കലും ആയിരിക്കും ഇന്ന് മുഖാമുഖം ഏറ്റുമുട്ടുക. അബുദാബിയിൽ ഉശ്ഴകഴിഞ്ഞ് മൂന്നരയ്‌ക്കാണ് മത്സരം.

രാജസ്ഥാന്റെ നെടുന്തൂണായ സഞ്ജു ഇതുവരെ 3 കളികളിൽ നിന്ന് 167 റൺസ് നേടിയിട്ടുണ്ട്. ഇതിനകം ആറ് ബൗണ്ടറികളും പതിനാറ് സിക്സറുകളും സഞ്ജുവിന്റെ പേരിനൊപ്പമുണ്ട്. അതേസമയം സഞ്ജുവിനുള്ള മറുപടിയായി ഇടംകൈയൻ മലയാളി ഓപ്പണർ ദേവ്ദത്ത് പടിക്കൽ ബാംഗ്ലൂർ നിരയിലുണ്ട്. മൂന്ന് കളീകളിൽ നിന്നായി 111 റൺസാണ് ദേവ്‌ദത്തിന്റെ പേരിലുള്ളത്.. രണ്ട് സിക്സും 13 ബൗണ്ടറികളുമാണ് ഇരുപതുകാരനായ ദേവ്ദത്തിന്റെ ബാറ്റിൽനിന്ന് പിറന്നത്.