അനുബന്ധ വാര്ത്തകള്
- വിരാട് കോലി തല്ക്കാലത്തേക്ക് ക്രിക്കറ്റില് നിന്ന് മാറിനില്ക്കണമെന്ന് രവി ശാസ്ത്രി
- നിസ്സഹായനായി ഡുപ്ലെസിസിനെ നോക്കി ചിരിച്ചു, ബാറ്റ് കൊണ്ട് ഹെല്മറ്റില് അടിച്ചു; കോലി മൈതാനം വിട്ടത് അങ്ങേയറ്റം നിരാശനായി (വീഡിയോ)
- 'ദേ വന്നു ദാ പോയി'; കോലി ഗോള്ഡന് ഡക്ക്, റണ്മെഷീന്റെ കാലം കഴിഞ്ഞോ !
- ഇന്ത്യയുടെ ബെസ്റ്റ് ടെസ്റ്റ് ഇലവന്; കോലിയെ ട്വെല്ത്ത് മാന് ആക്കി ഐലന്ഡ് ക്രിക്കറ്റ്, വിമര്ശിച്ച് ആരാധകര്
- വിരാട് കോലി പാട്ട് പാടുന്നത് കേട്ടിട്ടുണ്ടോ? ആര്സിബി ടീം ഗാനം പാടി താരങ്ങള്, ഡു പ്ലെസിസിനേയും മാക്സ്വെല്ലിനേയും പാടാന് പഠിപ്പിച്ച് കോലിയും കാര്ത്തിക്കും (വീഡിയോ)
കോലി അടുത്തേക്ക് വരുമ്പോള് എന്റെ നെഞ്ചിടിക്കുകയായിരുന്നു, എന്ത് പറഞ്ഞാലും ഒരക്ഷരം മിണ്ടരുതെന്ന് തീരുമാനിച്ചിരുന്നു; ആ സംഭവത്തെ കുറിച്ച് സൂര്യകുമാര് യാദവ്
കഴിഞ്ഞ ഐപിഎല് സീസണില് വിരാട് കോലിയുമായുള്ള സ്ലെഡ്ജിങ്ങിനെ കുറിച്ച് മനസ്സുതുറന്ന് സൂര്യകുമാര് യാദവ്. റോയല് ചലഞ്ചേഴ്സ് ബാംഗ്ലൂര് vs മുംബൈ ഇന്ത്യന്സ് മത്സരത്തിനിടെയായിരുന്നു സംഭവം. സൂര്യകുമാറും കോലിയും പരസ്പരം നോക്കുന്നതിന്റെ ചിത്രങ്ങളും വീഡിയോയും അന്ന് സോഷ്യല് മീഡിയയില് വലിയ ചര്ച്ചയായിരുന്നു.
ആ മത്സരത്തില് കോലിയുടെ സ്ലെഡ്ജിങ് മറ്റൊരു തലത്തിലായിരുന്നു. 'എന്തൊക്കെ സംഭവിച്ചാലും ടീമിന് വേണ്ടി കളി ജയിക്കണം. ഒന്നും മിണ്ടരുത്' എന്നാണ് മനസ്സില് പറഞ്ഞിരുന്നതെന്നും സൂര്യകുമാര് യാദവ് പറയുന്നു.
'കോലി എന്റെ അടുത്തേക്ക് വരുന്നത് കണ്ടപ്പോള് ഞാന് ഉള്ളില് നന്നായി പേടിച്ചു. ഞാന് ച്യൂയിങ് ഗം ചവയ്ക്കുകയായിരുന്നു. ഒപ്പം എന്റെ ഹൃദയമിടിപ്പ് കൂടി. ഉള്ളില് സ്വയം ഞാന് പറഞ്ഞു, 'എന്തൊക്കെ സംഭവിച്ചാലും ഒരു വാക്ക് പോലും മറിച്ച് പറയരുത്. വെറും പത്ത് സെക്കന്ഡിന്റെ കാര്യമാണ് ഇത്. ഇതൊക്കെ നിമിഷനേരം കൊണ്ട് തീരും. അടുത്ത ഓവര് തുടങ്ങും,'' സൂര്യകുമാര് യാദവ് പറഞ്ഞു.
