അനുബന്ധ വാര്ത്തകള്
- അടുത്ത നാല് മാസത്തേക്ക് കളിക്കാനില്ല ! ദീപക് ചഹറിന്റെ പരുക്ക് ഗുരുതരം, ട്വന്റി 20 ലോകകപ്പിനും ഇല്ല
- ആര്സിബിയെ പഞ്ഞിക്കിട്ടത് മുന് ആര്സിബിക്കാര് ! ചെന്നൈ സൂപ്പര് കിങ്സിന് ആദ്യ ജയം
- ചെന്നൈ സൂപ്പര് കിങ്സിന് മുന്നിലെത്തുമ്പോള് റോയല് ചലഞ്ചേഴ്സ് ബാംഗ്ലൂരിന് മുട്ടിടിക്കും; കണക്കുകള് ഇങ്ങനെ
- നാലില് നാലിലും തോറ്റ് ചെന്നൈ സൂപ്പര് കിങ്സ്; മുന് ചാംപ്യന്മാര്ക്ക് നാണക്കേട്
- ചെന്നൈ സൂപ്പര് കിങ്സ് നേരിടുന്ന വെല്ലുവിളികള്; ഇത് പരിഹരിക്കാതെ മുന്നോട്ടുള്ള യാത്ര ദുഷ്കരം
'ധോണിയുടെ ടീം ഇങ്ങനെ തോല്ക്കുന്നത് മുന്പ് കണ്ടിട്ടേയില്ല'; ജഡേജയ്ക്കെതിരെ രൂക്ഷ വിമര്ശനം
ഗുജറാത്ത് ടൈറ്റന്സിനെതിരായ തോല്വിക്കു പിന്നാലെ ചെന്നൈ സൂപ്പര് കിങ്സ് നായകന് രവീന്ദ്ര ജഡേജയുടെ ക്യാപ്റ്റന്സിയെ ചോദ്യം ചെയ്ത് മുന് ഇംഗ്ലണ്ട് ക്യാപ്റ്റന് മൈക്കള് വോണ്. പുതിയ ക്യാപ്റ്റനെ സംബന്ധിച്ചിടുത്തോളം വിജയസാധ്യതയുള്ള കളികളെങ്കിലും ജയിക്കണമെന്നും ജഡേജയില് നിന്ന് അത് പോലും കാണാനില്ലെന്നും വോണ് പരോക്ഷമായി കുറ്റപ്പെടുത്തി. ധോണി നായകനായിരുന്നപ്പോള് ജയസാധ്യത ഉണ്ടായിരുന്ന ഇത്രയധികം മത്സരങ്ങള് ചെന്നൈ സൂപ്പര് കിങ്സ് ഒരിക്കലും തോറ്റിട്ടില്ലെന്നും വോണ് സ്പോര്ട്സ് പോര്ട്ടലായ ക്രിക്ക്ബസിനോടു പ്രതികരിച്ചു.
"പുതിയ ക്യാപ്റ്റനെസംബന്ധിച്ചടുത്തോളം ഇഞ്ചോടിഞ്ച് പോരാട്ടങ്ങള് നടക്കുന്ന മത്സരങ്ങള് ജയിക്കുക എന്നതു നിര്ണായകമാണ്. പക്ഷേ, സത്യം പറഞ്ഞാല് ഗുജറാത്തിനെതിരായ മത്സരം കടുത്തതു പോലും ആയിരുന്നില്ല. കുറഞ്ഞത് പത്തോ പതിനഞ്ചോ റണ്സിന് എങ്കിലും ചെന്നൈ അനായാസം ജയിക്കേണ്ട മത്സരമായിരുന്നു അത്. ഇനി എന്താണു സംഭവിക്കുക എന്ന് എനിക്ക് ഊഹിക്കാന് മാത്രമേ കഴിയൂ. ഇത്തരത്തിലുള്ള ഒട്ടേറെ മത്സരങ്ങള് എം.എസ്. ധോണി തോല്ക്കുന്ന് ഇതിനു മുന്പു കണ്ടിട്ടില്ല. ധോണിയുടെ ടീം കടുത്ത മത്സരങ്ങള് തോല്ക്കുന്നതും ഇതിനു മുന്പു കണ്ടിട്ടില്ല. മത്സരം കടുത്തത് ആകാന് പോലും സമ്മതിക്കാത്ത തരത്തിലാണു ധോണിയുടെ ക്യാപ്റ്റന്സി," വോണ് പറഞ്ഞു.
