അനുബന്ധ വാര്ത്തകള്
- ചെന്നൈ സൂപ്പര് കിങ്സ് കളിക്കുന്നത് 10 പേരെ വച്ച്, പിന്നെ ഒരാള് ക്യാപ്റ്റന്; ധോണിയെ പരിഹസിച്ച് ആകാശ് ചോപ്ര
- ഐപിഎല്: ധോണിയുടെ വിരമിക്കല് പ്രഖ്യാപനം ഉടന്
- ടീമിനൊപ്പം വിജയം ആഘോഷിക്കുന്ന ധോണിയെ പിന്നില് നിന്നുവന്ന് കെട്ടിപ്പിടിച്ച് കോലി; ഹൃദ്യം ഈ വീഡിയോ
- താളം വീണ്ടെടുത്ത് റണ്മെഷീന്; ഇത് ഞങ്ങളുടെ പഴയ കോലിയെന്ന് ആരാധകര്
- വിരാട് കോലി vs എം.എസ്.ധോണി; ഐപിഎല്ലില് ഏറ്റുമുട്ടിയപ്പോള് കൂടുതല് ജയം ആര്ക്കൊപ്പം?
തോല്വിക്ക് കാരണം ധോണി; നായകന്റെ മെല്ലെപ്പോക്ക് ചെന്നൈ സൂപ്പര് കിങ്സിന് ദോഷം ചെയ്യുമെന്നും ആരാധകര്
ഡല്ഹി ക്യാപിറ്റല്സിനെതിരായ മത്സരത്തില് തോല്ക്കാന് പ്രധാന കാരണം നായകന് മഹേന്ദ്രസിങ് ധോണിയുടെ മെല്ലെപ്പോക്ക് ഇന്നിങ്സ് ആണെന്ന് ചെന്നൈ സൂപ്പര് കിങ്സ് ആരാധകര്. നിര്ണായകമായ സമയത്ത് ക്രീസിലെത്തിയ ധോണി 27 പന്തില് നിന്ന് വെറും 18 റണ്സ് മാത്രമെടുത്താണ് പുറത്തായത്. 66.67 മാത്രമാണ് സ്ട്രൈക് റേറ്റ്. ഒരു ബൗണ്ടറി പോലും നേടാന് ധോണിക്ക് ഇന്നലെ കഴിഞ്ഞില്ല.
ആദ്യം ബാറ്റ് ചെയ്ത ചെന്നൈ നിശ്ചിത 20 ഓവറില് അഞ്ച് വിക്കറ്റ് നഷ്ടപ്പെടുത്തി 136 റണ്സ് നേടിയപ്പോള് 19.4 ഓവറില് ഏഴ് വിക്കറ്റ് നഷ്ടപ്പെടുത്തിയാണ് ഡല്ഹി ക്യാപിറ്റല്സ് വിജയത്തിലെത്തിയത്. പത്തോ ഇരുപതോ റണ്സ് ടീം ടോട്ടലില് കൂടുതല് ഉണ്ടായിരുന്നെങ്കില് മത്സരത്തിന്റെ ഫലം മറ്റൊന്നാകുമായിരുന്നു എന്നാണ് ചെന്നൈ ആരാധകര് പറയുന്നത്. ധോണിയുടെ ഇഴഞ്ഞുനീങ്ങിയ ഇന്നിങ്സ് റണ്റേറ്റ് കുറയാന് കാരണമായെന്ന് വിമര്ശനമുയര്ന്നിട്ടുണ്ട്.
ബോളും ബാറ്റും തമ്മിലുള്ള കണക്ഷന് ധോണിക്ക് നഷ്ടമായെന്നാണ് പൊതുവെ ഉയര്ന്നിരിക്കുന്ന വിമര്ശനം. ബാറ്റ് ചെയ്യുമ്പോള് ധോണിയുടെ ബാറ്റിനും പാഡിനുമിടയില് വരുന്ന ഗ്യാപ്പും ചെന്നൈ നായകന്റെ ഫോംഔട്ടിനെ വ്യക്തമാക്കുന്നു. ആദ്യ വിക്കറ്റുകള് വേഗം നഷ്ടപ്പെടുമ്പോള് ചെന്നൈ പ്രതിരോധത്തിലാകുന്നു. മധ്യ ഓവറുകളില് റണ്റേറ്റ് ഉയര്ത്താന് പിന്നീട് ജഡേജയോ മൊയീന് അലിയോ ക്രീസില് എത്തേണ്ട അവസ്ഥയാണെന്നും ആരാധകര് ചൂണ്ടിക്കാട്ടുന്നു. ധോണി സ്വയം ബാറ്റിങ് ഓര്ഡറില് താഴേക്ക് ഇറങ്ങണമെന്നാണ് ചെന്നൈ ആരാധകരുടെ വാദം.
