അനുബന്ധ വാര്ത്തകള്
- Mitchell Starc: സ്റ്റാർക്ക് ഡെത്ത് ബൗളറല്ല, കൊൽക്കത്തയുടെ ഡെത്തെടുക്കാൻ വന്ന 25 കോടിയുടെ ചെണ്ട!
- IPL 2024: 24.7 കോടിയുടെ മുതലാണ്, പണക്കാരെ ബഹുമാനിക്കാൻ പഠിക്ക് റിങ്കു
- 24.75 കോടിയുടെ ഗുണമെന്തെന്ന് സ്റ്റാര്ക്ക് കാണിക്കും, കെ കെ ആറിന്റെ എക്സ് ഫാക്ടറാകും: ഗൗതം ഗംഭീര്
- 4 കളിയെങ്കിലും ജയിപ്പിക്കു, അപ്പോൾ പറയാം സ്റ്റാർക്കിന് 24.75 കോടി കൊടുത്തിട്ട് കാര്യമുണ്ടോയെന്ന്: ഗവാസ്കർ
- കോടികൾ ഒരു വിഷയമല്ല, എന്നും പ്രാധാന്യം നൽകിയിട്ടുള്ളത് ടെസ്റ്റ് ക്രിക്കറ്റിനെന്ന് മിച്ചൽ സ്റ്റാർക്ക്
IPL 2024: ആരാണ് ഡെത്ത് ഓവറിലെ മികച്ച ചെണ്ട? മത്സരം പഴയ ആർസിബി ബൗളർമാർ തമ്മിൽ
Harshal patel, Mitchell starc
ഇത്തവണ ഐപിഎല്ലിലെ ആദ്യ 2 ദിവസം പിന്നിടുമ്പോള് ആര്സിബി ബൗളര്മാര് ഈ സീസണിലും മികച്ച ചെണ്ടകളാകുമെന്ന തെളിവ് നല്കി കഴിഞ്ഞു. രസകരമായ കാര്യം അതൊന്നുമല്ല. മുന് ആര്സിബി താരങ്ങളും തല്ലുകൊള്ളുന്നതില് മത്സരത്തിലാണ്. ഇന്നലെ പഞ്ചാബ് കിംഗ്സും ഡല്ഹിയും ഹൈദരാബാദും കൊല്ക്കത്തയും തമ്മിലായിരുന്നു മത്സരം. രണ്ട് മത്സരങ്ങളിലും ഡെത്ത് ഓവറുകളില് അടി വയറുനിറച്ച് വാങ്ങിയത് മുന് ആര്സിബി താരങ്ങളും. ഡല്ഹിക്കെതിരെ മുന് ആര്സിബി താരമായിരുന്ന ഹര്ഷല് പട്ടേല് അവസാന ഓവറില് വിട്ടുകൊടുത്തത് 25 റണ്സായിരുന്നു.മത്സരത്തില് 2 വിക്കറ്റെടുക്കാന് സാധിച്ചെങ്കിലും 4 ഓവറില് 47 റണ്സാണ് താരം വിട്ടുകൊടുത്തത്.
ഹൈദരാബാദിനെതിരായ മത്സരത്തില് നിര്ണായകമായ പത്തൊമ്പതാം ഓവറാണ് മുന് ആര്സിബി താരമായ മിച്ചല് സ്റ്റാര്ക്ക് പന്തെറിഞ്ഞത്. 4 സിക്സുകള് സഹിതം 26 റണ്സാണ് ഈ ഓവറില് താരം വിട്ടുകൊടുത്തത്. കൊല്ക്കത്ത വിജയിച്ചെങ്കിലും അവസാന ഓവറില് ഹൈദരാബാദിന് വിജയപ്രതീക്ഷ നല്കാന് മിച്ചല് സ്റ്റാര്ക്കിന്റെ ഓവറിന് സാധിച്ചിരുന്നു. ഐപിഎല് മുന്നേറും തോറും തല്ലുവാങ്ങുന്ന ബൗളര്മാര് ഇനിയും ഏറും. എന്നാല് ഡെത്ത് ഓവറുകളില് തല്ലുവാങ്ങുന്നവരില് ആര്സിബി ബൗളര്മാരുടെ തട്ട് താണു തന്നെ ഇരിക്കും. മുന് ആര്സിബി ബൗളര്മാര് പോലും ആ ചരിത്രത്തില് വെള്ളം ചേര്ക്കുന്നില്ല.
