സുഡാനില്‍ ബസും ട്രക്കും തമ്മില്‍ കൂട്ടിയിടിച്ചുണ്ടായ അപകടത്തില്‍ 38 പേര്‍ കൊല്ലപ്പെട്ടു. രാജ്യത്തുണ്ടാ‍യ ഏറ്റവും വലിയ വാഹനാപകടങ്ങളിലെന്നാണ് ഇത്.
കിഴക്കന്‍ കാര്‍ട്ടോമിലെ ഇല്‍ ഗ്വാണ്ടിയാമ നഗരത്തിലാണ് അപകടം ഉണ്ടായത്. കാര്‍ട്ടോമില്‍ നിന്നും ഓം‌ഡ്രമാമിലേക്ക് പോകുകയായിരുന്ന ബസിനെ എതിര്‍ദിശയില്‍ നിന്നും വന്ന ലോറി ഇടിക്കുകയായിരുന്നു. ഇടിയുടെ ആഘാതത്തില്‍ ബസ് പൂര്‍ണമായും തകര്‍ന്നു.
രണ്ട് വാഹനങ്ങളും അമിതമായ വേഗത്തിലായിരുന്നുവെന്നാണ് ട്രാഫിക് പൊലീസ് പറയുന്നത്.
