പോളിയോ പ്രവര്‍ത്തകര്‍ക്ക് നേരെ വെടിവെപ്പ്; രണ്ട് മരണം
പെഷവാര്|
WEBDUNIA|
Last Modified ബുധന്‍, 12 മാര്‍ച്ച് 2014 (16:08 IST)
PRO
വടക്കുപടിഞ്ഞാറന്‍ പാകിസ്താനില്‍ പോളിയോ പ്രതിരോധ പ്രവര്‍ത്തനങ്ങളുടെ സുരക്ഷാ ചുമതലയുണ്ടായിരുന്ന രണ്ട് പൊലീസുകാര്‍ വെടിയേറ്റു മരിച്ചു.
ദേര ഇസ്മയില്‍ ഖാന്‍ നഗരത്തിന് സമീപമാണ് സംഭവം. പോളോയോ പ്രതിരോധ കുത്തിവെപ്പ് നല്‍കാനെത്തിയ രണ്ട് പേര്‍ക്ക് സംരക്ഷണം നല്‍കുകയായിരുന്നവരാണ് കൊല്ലപ്പെട്ടത്. ബൈക്കിലെത്തിയ നാലംഗ സംഘം ഇവര്‍ക്ക് നേരെ വെടിയുതിര്‍ക്കുകയായിരുന്നു.
പോളിയോ രൂക്ഷമായി തുടരുന്ന പാകിസ്താനില്‍ പ്രതിരോധ പ്രവര്‍ത്തനങ്ങള്‍ നടത്തുന്നതിന് ഭീകരരുടെ വിലക്കുണ്ട്. ഭീകരരാക്രമണങ്ങളില്‍ ഒരുവര്‍ഷത്തിനിടെമാത്രം 91 പോളിയോ പ്രതിരോധപ്രവര്‍ത്തകര്‍ കൊല്ലപ്പെട്ടെന്നാണ് കണക്ക്.
