അനുബന്ധ വാര്ത്തകള്
- ജൂൺ 12-ലെ ട്രംപ്-കിം ഉച്ചകോടി മാറ്റിവച്ചേക്കും
- അമേരിക്കയും ഉത്തരകൊറിയയും വീണ്ടും വാക്പോര്; ആണവായുധം ഉപേക്ഷിക്കാൻ അമേരിക്ക; ഉച്ചകോടിയുമായി സഹകരിക്കില്ലെന്ന് ഉത്തരകൊറിയ
- ‘ഇത് ഞങ്ങള്ക്കിഷ്ടമല്ല, അതിനാല് പിന്മാറുന്നു’; ലോകരാജ്യങ്ങള് കൈയടിച്ച തീരുമാനം കാറ്റില് പറത്തി കിം
- തന്ത്രം റഷ്യയുടേതല്ല, അത് അമിത് ഷായുടേത്; ട്രംപിനായി തെളിച്ച വഴിയെ ബിജെപിയും കര്ണാടകയും!
- കൊറിയന് യുദ്ധം അവസാനിക്കുന്നു; നിര്ണായക നീക്കവുമായി ഇരു രാജ്യങ്ങളും
ഉച്ചകോടിയിൽ നിന്ന് യുഎസ് പിൻമാറി
ജൂൺ 12-ലെ ഉച്ചകോടിയിൽ നിന്ന് യുഎസ് പിൻമാറി
അടുത്തമാസം 12-ന് സിംഗപ്പൂരിൽ ഉത്തരകൊറിയയുമായി നടത്താനിരുന്ന ഉച്ചകോടിയിൽ നിന്ന് യുഎസ് പിൻമാറി. ഉച്ചകോടിക്കു മുന്നോടിയായി രാജ്യത്തെ ആണവപരീക്ഷണ കേന്ദ്രം പൂർണമായി തകർത്ത് ഉത്തരകൊറിയ വാക്കുപാലിച്ചതിന് പിന്നാലെയാണ് യുഎസിന്റെ വാക്കുമാറ്റം.
ഉത്തരകൊറിയയുടെ ശത്രുതാനിലപാടും വിദ്വേഷ മനോഭാവവുമാണ് തീരുമാനത്തിന് പിന്നിലുള്ളതെന്ന് യുഎസ് പ്രസിഡന്റ് ഡോണാൾഡ് ട്രംപ് ഉത്തരകൊറിയൻ ഏകാധിപതി കിം ജോങിന് അയച്ച കത്തിൽ പറഞ്ഞു. ആറു പരീക്ഷണങ്ങൾ നടത്തിയ പങ്ഗ്യേറി ആണവപരീക്ഷണ കേന്ദ്രമാണ് ഉത്തരകൊറിയ സ്ഫോടനത്തിലൂടെ തകർത്തത്. 9 മണിക്കൂർ നീണ്ട സ്ഫോടനങ്ങൾക്കൊടുവിലാണ് ആണവകേന്ദ്രം തകർന്നത്.
ആണവ നിരായുധീകരണ വിഷയത്തിലെ ഉത്തരകൊറിയൻ നിലപാടിലെ അതൃപ്തിമൂലം ഉച്ചകോടി മാറ്റിവെച്ചേക്കാമെന്ന് നേരത്തേ സൂചനയുണ്ടായിരുന്നു. ലോകത്തിനും ഉത്തരകൊറിയയ്ക്കും വലിയ അവസരമാണു നഷ്ടമായതെന്നും കൂടിക്കാഴ്ചയ്ക്ക് ഇനിയും അവസരമുണ്ടെന്നും ട്രംപിന്റെ കത്തില് പറയുന്നു.
