റോഡരികില്‍ ഒറ്റയ്ക്കിരുന്ന് കരയുന്ന പെണ്‍കുട്ടിയെ കണ്ട് കാര്യം തിരക്കാനായി വഴിപോക്കര്‍ കുട്ടിക്ക് അരികിലെത്തി. അവരുടെ അന്വേഷണം കേട്ട് കുനിഞ്ഞിരുന്ന് കരയുകയായിരുന്ന കുട്ടി മുഖമുയര്‍ത്തി. എന്നാല്‍ കുട്ടിയുടെ മുഖം കണ്ടതോടെ അന്വേഷണവുമായി എത്തിയവര്‍ ജീവനും കൊണ്ട് ഓടി.

മുഖം പൊട്ടിപ്പൊളിഞ്ഞ് ചോരയും ചലവും പുരണ്ട് കണ്ണുകള്‍ തുറിച്ച രൂപം കണ്ട് ഒട്ടുമിക്കവരും ജീവനുംകൊണ്ട് പാഞ്ഞു. കുട്ടി പുറകേ ഓടിയത് അവരെ കൂടുതല്‍ പേടിപ്പിച്ചു. കുട്ടിയുടെ പിശാചിനെപ്പോലുള്ള രൂപംകണ്ടാണ് കാര്യമന്വേഷിക്കാനെത്തിയവര്‍ നിലവിളിച്ചുകൊണ്ടു പാഞ്ഞത്. ബ്രസീലിയന്‍ യൂ ട്യൂബ് കോമഡി ചാനലിന്റെ ഒരു കോമഡി വീഡിയോയിലെ രംഗമാണ് ഇത്.

കുട്ടിയെ മേക്കപ്പുചെയ്ത് റോഡരുകില്‍ ഇരുത്തിയശേഷം കാമറ ഒളിപ്പിച്ചുവച്ചായിരുന്നു ഷൂട്ടിംഗ്. കുട്ടിയെ കാണുന്ന വഴിയാത്രക്കാരുടെ പ്രതികരണങ്ങള്‍ ഒപ്പിയെടുക്കുകയായിരുന്നു ലക്ഷ്യം. ഏതായാലും സംഗതി ഹിറ്റായി. ഈ വീഡിയോ ഇപ്പോള്‍ ഇന്റര്‍നെറ്റില്‍ സൂപ്പര്‍ഹിറ്റാണ്. രണ്ടാഴ്ചകൊണ്ട് രണ്ട് മില്യണ്‍ ആള്‍ക്കാരാണ് വീഡിയോ കണ്ടത്.