അനുബന്ധ വാര്ത്തകള്
- കൊവിഡ് വാക്സിൻ ഏതാനും ആഴ്ച്ചകൾക്കുള്ളിൽ വിതരണത്തിന് തയ്യാറാകുമെന്ന് പ്രധാനമന്ത്രി
- വാർണറുടെ പരിക്ക് ഗുരുതരമെന്ന് റിപ്പോർട്ട്, ടെസ്റ്റ് പരമ്പരയും നഷ്ടമായേക്കും
- സൈനിക സഹകരണം: കരസേനാ മേധാവി മേജര് ജനറല് മനോജ് മുകുന്ദ് നരവനെ അറബ് രാജ്യങ്ങള് സന്ദര്ശിക്കുന്നു
- ആത്മവിശ്വാസവുമായി ഇന്ത്യ, ഓസീസിനെതിരായ ടി20 പോരാട്ടങ്ങൾക്ക് ഇന്ന് തുടക്കം
- കഞ്ചാവ് മാരക മയക്കുമരുന്നല്ല: യുഎനിൽ പിന്തുണച്ച് വോട്ടുചെയ്ത് ഇന്ത്യ
കർഷകരുടെ സമരത്തെക്കുറിച്ചുള്ള ട്രൂഡോയുടെ പരാമർശം: ഇന്ത്യ കനേഡിയൻ ഹൈക്കമ്മീഷണറെ വിളിച്ചുവരുത്തി
ഇന്ത്യയിലെ കർഷകപ്രതിഷേധത്തിൽ ആശങ്ക പ്രകടിപ്പിച്ച കനേഡിയൻ പ്രധാനമന്ത്രി ജസ്റ്റിൻ ട്രൂഡോയുടെ പരാമർശത്തിൽ ഇന്ത്യ കനേഡിയൻ ഹൈക്കമ്മീഷണറെ വിളിച്ചുവരുത്തി. ട്രൂഡോയുടെ പരാമര്ശം ഇരു രാജ്യങ്ങളും തമ്മിലുള്ള നയതന്ത്ര ബന്ധത്തെ ഗുരുതരമായി ബാധിക്കുമെന്ന് ഇന്ത്യ ഹൈക്കമ്മീഷണർക്ക് മുന്നറിയിപ്പു നല്കി.
കര്ഷക പ്രതിഷേധത്തെകുറിച്ച് ഇന്ത്യയില് നിന്നുവരുന്ന വാര്ത്തകള് ആശങ്കാജനകമാണെന്നും അവകാശങ്ങള്ക്ക് വേണ്ടി സമാധാനപരമായി പോരാടുന്ന കര്ഷകര്ക്കൊപ്പമാണ് കാനഡയുള്ളതെന്നും ട്രൂഡോ അഭിപ്രായപ്പെട്ടിരുന്നു. എന്നാൽ വിഷയത്തിൽ വ്യക്തമായ ധാരണയില്ലാതെയുള്ള പ്രസ്താവനയാണ് ട്രൂഡോ നടത്തിയതെന്ന് ഇന്ത്യൻ വിദേശകാര്യ മന്ത്രാലയം പ്രതികരിച്ചു.ഒരു ജനാധിപത്യ രാജ്യത്തിന്റെ ആഭ്യന്തര കാര്യവുമായി ബന്ധപ്പെട്ടുള്ള ഈ പ്രസ്താവന അനാവശ്യമാണെന്ന് വിദേശകാര്യ വക്താവ് അനുരാഗ് ശ്രീവാസ്തവയും അഭിപ്രായപ്പെട്ടിരുന്നു. ഇതിന് പിന്നാലെയാണ് ഇന്ത്യ കനേഡിയൻ ഹൈക്കമ്മീഷണറെ വിളിച്ചുവരുത്തിയത്.
