Last Updated:
തിങ്കള്‍, 13 ഏപ്രില്‍ 2015 (18:12 IST)
പ്രശസ്ത ജര്‍മ്മന്‍ സാഹിത്യകാരനും നോബല്‍ സമ്മാന ജേതാവുമായ ഗുന്തര്‍ ഗ്രാസ്
അന്തരിച്ചു. 87 വയസായിരുന്നു. വാര്‍ദ്ധക്യസഹജമായ അസുഖങ്ങളെ തുര്‍ന്ന്
ല്യൂബെക്കിലെ ആശുപത്രിയില്‍ വച്ചായിരുന്നു ഗ്രാസിന്റെ അന്ത്യം. ഗുന്തര്‍ ഗ്രാസ് കവി,നാടകകൃത്ത്, ശില്‍പി, ചിത്രകാരന്‍ എന്നീ നിലകളിലും പ്രശസ്തനാണ്.
1959 ല്‍ പ്രസിദ്ധീകരിച്ച ടിന്‍ ഡ്രം എന്ന നാസി വിരുദ്ധ കൃതിയാണ് അദ്ദേഹത്തെപ്രസിദ്ധനാക്കിയത്. ട്വിന്‍ ഡ്രം പ്രസിദ്ധീകരിച്ച് 40 വര്‍ഷങ്ങള്‍ക്ക് ശേഷമാണ് നോബല്‍ സമ്മാനം ലഭിച്ചത്.
ലോക്കല്‍ അനസ്തിറ്റിക്, ദ ഫ്ലര്‍, ദ പ്ലബിയന്‍സ് റമോര്‍സ് ദി അപ്‌റൈസിങ് എന്നിവ അദ്ദേഹത്തിന്റെ പ്രശസ്തമായ സൃഷ്ടികളാണ്. 2012 ല്‍ പ്രസിദ്ധീകരിച്ച എന്തുകൊണ്ട് ഞാന്‍ നിശബ്ദനായിരുന്നുവെന്ന കവിതയാണ് സമീപ കാലത്ത് ഏറെ ചര്‍ച്ചയായ ഗുന്തര്‍ ഗ്രാസ് കൃതി.
