കാനഡയിലെ ക്യൂബെക്ക് സിറ്റിയിൽ മുസ്ലിം പള്ളിക്ക് നേരെയുണ്ടായ വെടിവയ്പ്പിൽ നാലു മരണം. നാല്പതോളം പേര്‍ ഇപ്പോഴും പള്ളിക്കുള്ളിൽ കുടുങ്ങി കിടക്കുകയാണ്. പ്രദേശിക സമയം ഞായറാഴ്ച രാത്രിയാണ് സംഭവം നടന്നത്.

ക്യൂബെക്കിലെ ഇസ്ലാമിക് കൾച്ചറൽ സെന്ററിൽ പ്രവേശിച്ച മൂന്നു തോക്കുധാരികൾ പ്രാർഥനയ്ക്ക് എത്തിയവർക്ക് നേരെ വെടിയുതിർക്കുകയായിരുന്നു. തോക്കുധാരികളിൽ രണ്ട് പേർ പിടിയിലായതായി കനേഡിയൻ പൊലീസ് അറിയിച്ചു. എന്നാൽ പരിക്കേറ്റവരെ കുറിച്ചുള്ള വിവരങ്ങൾ പൊലീസ് പുറത്തുവിട്ടിട്ടില്ല.