സിറിയയിലെ ഡമാസ്കസില്‍ പള്ളിയില്‍ ബോംബ് സ്ഫോടനം. സുഖ്‌വാദി ബറാദയിലെ പള്ളിയിലാണ് കാര്‍ബോംബ് സ്ഫോടനം ഉണ്ടായത്.
സ്ഫോടനത്തില്‍ ഏഴ് കുട്ടികള്‍ ഉള്‍പ്പെടെ 40 പേര്‍ മരിച്ചു. ഇറാഖ് അതിര്‍ത്തിയിലുള്ള അല്‍ യാരൂബിയ പ്രദേശം സിറിയന്‍ ഫ്രീ ആര്‍മിയില്‍ നിന്ന് സിറിയന്‍ കുര്‍ദുകള്‍ പിടിച്ചെടുത്തു. പോരാട്ടത്തില്‍ ഒട്ടേറെപ്പേര്‍ കൊല്ലപ്പെട്ടതായി സംശയിക്കുന്നു.
സ്ഫോടനത്തെച്ചൊല്ലി സര്‍ക്കാറും വിമതരും പരസ്പരം പഴിചാരുകയാണ്. വിമതസേനയുടെ നിയന്ത്രണത്തിലുള്ള പ്രദേശമാണിത്. അതിനിടെ, പ്രതിപക്ഷസേനകള്‍ പരസ്പരമുള്ള പോരാട്ടം തുടരുകയാണ്.
