വടക്കന്‍ അഫ്ഗാനിസ്ഥാനിലെ ഫര്‍യാബ് മേഖലയയിലെ മാര്‍ക്കറ്റിലുണ്ടായ ചാവേര്‍ സ്ഫോടനത്തില്‍ 15 പേര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റു.
പരുക്കേറ്റവരില്‍ പലരുടെയും നില ഗുരുതരമായതിനാല്‍ മരണസംഖ്യ ഉയര്‍ന്നേക്കാമെന്ന് ഫര്‍യാബ് ഗവര്ണര് മൊഹമ്മദുള്ള പദാഷ് അറിയിച്ചു. ഫര്‍യാബ് മേഖലയിലെ മയ്മനയിലെ തിരക്കേറിയ മാര്‍ക്കറ്റിലെ പ്രവേശനകവാടത്തിലാണ് സ്ഫോടനമുണ്ടായത്.
സ്ഫോടനത്തിന്റെ ഉത്തരവാദിത്വം ആരും ഏറ്റെടുത്തിട്ടില്ലെങ്കിലും താലിബാനാണ് ആക്രമണത്തിന് പിന്നിലെന്നാണ് പ്രാഥമിക നിഗമനം.
