അനുബന്ധ വാര്ത്തകള്
- ഹൃദയാഘാതത്തെ തടയാന് പൊട്ടാസ്യം കൂടുതല് അടങ്ങിയ ഭക്ഷണങ്ങള് കഴിക്കാം
- സന്ധിവേദനയെ മറികടക്കാന് ഈ വഴികള് സഹായിക്കും
- വെള്ളം കുടിക്കുന്നത് നല്ലതാണ്, എന്നുകരുതി ഇങ്ങനെ കുടിക്കരുത് !
- തോന്നിയ പോലെ തിന്നരുത് ! ഇക്കാര്യങ്ങള് ശ്രദ്ധിച്ചാല് കൂടുതല് കാലം ജീവിക്കാം
- നിങ്ങളുടെ ആര്ത്തവം കൃത്യമല്ലേ? ചിലപ്പോള് ഈ രോഗത്തിന്റെ ലക്ഷണമായിരിക്കാം
അതിരാവിലെ തന്നെ തലവേദന, ഇടയ്ക്കിടെ നെഞ്ചുവേദന; ഇത്തരം ലക്ഷണങ്ങള് ഉണ്ടെങ്കില് നിസാരമായി കാണരുത്
തുടര്ച്ചയായി തലവേദന അനുഭവപ്പെടുന്നത് രക്തസമ്മര്ദ്ദത്തിന്റെ ലക്ഷണമാകാം
ജീവന് വരെ ഭീഷണിയാകുന്ന അവസ്ഥയാണ് ഉയര്ന്ന രക്ത സമ്മര്ദ്ദം. രക്ത ധമനികളുടെ ഭിത്തികളില് രക്തം ചെലുത്തുന്ന മര്ദമാണ് ഇത്. ആരോഗ്യവാനായ ഒരാളില് 120/80 മി.മീറ്റര് മെര്ക്കുറി ആയിരിക്കും രക്ത സമ്മര്ദ്ദം. രക്തസമ്മര്ദ്ദം 140/90 നു മുകളിലായാല് അതിനെ രക്താതിമര്ദ്ദം എന്നറിയപ്പെടും.
മദ്യപാനം, മാനസിക സമ്മര്ദ്ദം, അമിതമായ ഉപ്പിന്റെ ഉപയോഗം, അമിതവണ്ണം, പുകവലി എന്നിവ രക്തസമ്മര്ദ്ദം വര്ധിപ്പിക്കുന്നു. രക്തസമ്മര്ദ്ദം മൂലം ഹൃദയാഘാതം, സ്ട്രോക്ക്, വൃക്ക തകരാര് പോലെയുള്ള പ്രശ്നങ്ങളും ഉണ്ടാകുന്നു.
തുടര്ച്ചയായി തലവേദന അനുഭവപ്പെടുന്നത് രക്തസമ്മര്ദ്ദത്തിന്റെ ലക്ഷണമാകാം. ഇത്തരക്കാരില് അതിരാവിലെ തന്നെ തലവേദന അനുഭവപ്പെടും. നെഞ്ചുവേദനയും രക്തസമ്മര്ദ്ദവുമായി ബന്ധപ്പെട്ട് ഉണ്ടാകാം. ഹൃദയമിടിപ്പിന്റെ താളം അസാധാരണമായ നിലയില് എത്തുന്നതും ശ്രദ്ധിക്കണം.
ഉയര്ന്ന രക്തസമ്മര്ദ്ദം മൂലം കാലുകളിലേക്കും കൈകളിലേക്കുമുള്ള രക്തപ്രവാഹം തടസപ്പെടാന് സാധ്യതയുണ്ട്. അങ്ങനെ വന്നാല് നടക്കുമ്പോള് കാലുവേദന, കൈക്കാലുകള് തണുക്കുക എന്നീ ലക്ഷണങ്ങള് കാണിക്കും. കാല്പ്പത്തിക്ക് ചുവപ്പോ നീലയോ നിറം, കാലുകളില് മരവിപ്പ്, കാലുകളില് രോമം കൊഴിഞ്ഞു പോകല് എന്നിവയും രക്തസമ്മര്ദ്ദത്തിന്റെ ലക്ഷണമാകും.
മൂക്കില് നിന്ന് രക്തസ്രാവം, കാഴ്ച മങ്ങല്, തലകറക്കം, ഛര്ദി എന്നിവയും ഉയര്ന്ന രക്ത സമ്മര്ദ്ദത്തിന്റെ ലക്ഷണങ്ങളാണ്. രക്തസമ്മര്ദ്ദം കൂടുമ്പോള് ശ്വാസമെടുക്കാന് ബുദ്ധിമുട്ട് അനുഭവപ്പെടും. ചിലരില് അമിതമായ ഉത്കണ്ഠയും ശരീര ക്ഷീണവും രക്തസമ്മര്ദ്ദം കൂടുന്നതിന്റെ ഭാഗമായി കാണപ്പെടുന്നു.
അടുത്ത ലേഖനം
