ആചാരങ്ങള്‍ക്കായും അലങ്കാരത്തിനായും ആയിട്ടാണ് ടാറ്റൂ കുത്തുന്നത്. ഇത് കൊണ്ടുണ്ടാകുന്ന ആരോഗ്യ പ്രശ്‌നങ്ങളെ ക്കുറിച്ചോന്നും ആരും ബോധവാന്മാരല്ല എന്ന് വേണം കരുതാന്‍. പച്ചകുത്തലിന്റെ ഫലമായി പലതരത്തിലുള്ള ആരോഗ്യപ്രശ്നങ്ങള്‍ ഉണ്ടാകാം. പച്ചകുത്തുന്നത് അണുബാധയും അലര്‍ജി പ്രതിപ്രവര്‍ത്തനങ്ങളും ഉള്‍പ്പെടെയുള്ള അപകടകരമായ ആരോഗ്യ സാധ്യതകള്‍ ഉണ്ടാകാന്‍ കാരണമാകുന്നു.
ഒറ്റത്തവണ ഉപയോഗിക്കാവുന്ന ഡിസ്‌പോസിബിള്‍ സൂചി, ഓരോ ഉപയോഗത്തിനു ശേഷവും ഉപകരണങ്ങള്‍ അണുവിമുക്തമാക്കുക എന്നിവയിലൂടെ അത്തരം അപകടസാധ്യതകള്‍ ആധുനിക ടാറ്റൂയിസ്റ്റുകള്‍ കുറയ്ക്കുന്നു.

എന്നിരുന്നാലും ശരീരത്തില്‍ ഒരു ടാറ്റൂ ഉണ്ടെങ്കില്‍ തന്നെ അത് നിങ്ങളെ ദോഷകരണമായി ബാധിക്കും. നിങ്ങളുടെ ലിംഫോമ, ഒരു തരം വെളുത്ത രക്താണുക്കളുടെ അര്‍ബുദം വികസിപ്പിക്കാനുള്ള സാധ്യത വര്‍ദ്ധിപ്പിക്കുമെന്നാണ് പുതിയ പഠനം സൂചിപ്പിക്കുന്നത്. ഇക്ലിനിക്കല്‍ മെഡിസിന്‍ ഈ ജൂണില്‍ പ്രസിദ്ധീകരിച്ച ലേഖനത്തില്‍ ഇത് സംബന്ധിച്ച ഒരു പഠനത്തെ കുറിച്ച് സൂചിപ്പിക്കുന്നുണ്ട്. ഏകദേശം 12,000 ലിംഫോമ കേസുകള്‍ ആണ് ഇവര്‍ വിശകലനം ചെയ്തത്.

മറ്റ് അപകടസാധ്യത ഘടകങ്ങള്‍ക്കായി ക്രമീകരിച്ച ശേഷം, ടാറ്റൂ ചെയ്ത പങ്കാളികള്‍ക്ക് ടാറ്റൂ ചെയ്യാത്ത സമപ്രായക്കാരേക്കാള്‍ 21% കൂടുതല്‍ ലിംഫോമ സാധ്യതയുണ്ടെന്ന് ഗവേഷകര്‍ കണ്ടെത്തി. 2007 നും 2017 നും ഇടയില്‍ രോഗനിര്‍ണയം നടത്തിയ 20 നും 60 നും ഇടയില്‍ പ്രായമുള്ള ആളുകളില്‍ നടത്തിയ പഠനത്തിലാണ് ഇക്കാര്യം ചൂണ്ടിക്കാട്ടുന്നത്. പച്ചകുത്തുന്നത് വഴി പയോഡെര്‍മ പോലുള്ള അണുബാധകളും ബാക്ടീരിയ അണുബാധകളും ഉണ്ടായേക്കാം. ശുചിത്വ രീതികള്‍ പാലിച്ചില്ലെങ്കില്‍, എച്ച്‌ഐവി പോലുള്ള ജീവന്‍ അപകടപ്പെടുത്തുന്ന അണുബാധകള്‍ നിങ്ങളെ കാര്‍ന്ന് തിന്നേക്കാം.