അനുബന്ധ വാര്ത്തകള്
- ഫാറ്റ് കുറയ്ക്കാന് പറ്റിയ ഏറ്റവും മികച്ച വ്യായാമങ്ങള് ഇവയാണ്
- നെല്ലിക്ക കഴിക്കാറുണ്ടോ, ആരും പറയാത്ത അഞ്ച് ആരോഗ്യഗുണങ്ങള് ഇവയാണ്
- വിറ്റാമിന് ഡിയും മാനസികാരോഗ്യവും തമ്മില് അടുത്ത ബന്ധം, ഇക്കാര്യങ്ങള് അറിയണം
- ഈ ജോലിയാണോ നിങ്ങളുടേത്! ലോകത്തെ ഏറ്റവും സമ്മര്ദ്ദം കൂടുതലുള്ള ജോലികള് ഇവയാണ്
- ഈ ഏഴു ശീലങ്ങള് നിങ്ങള്ക്കുണ്ടെങ്കില് വേഗത്തില് വയസനാകും!
അമീബിക്ക് മെനിഞ്ചോ എന്സെഫലൈറ്റിസിനെതിരെ ജാഗ്രത വേണം; ഇക്കാര്യങ്ങള് ശ്രദ്ധിക്കണം
അമീബിക്ക് മെനിഞ്ചോ എന്സെഫലൈറ്റിസിനെതിരെ ജാഗ്രത പാലിക്കണം. കേരളത്തില് ഈ രോഗം റിപ്പോര്ട്ട് ചെയ്യപ്പെട്ട സാഹചര്യത്തില് കെട്ടിക്കിടക്കുന്ന വെള്ളത്തില് കുളിക്കുന്നതും വെള്ളത്തില് ഡൈവ് ചെയ്യുന്നതും പരമാവധി ഒഴിവാക്കണം. വാട്ടര് തീം പാര്ക്കുകളിലെയും സ്വിമ്മിംഗ് പൂളുകളിലെയും വെള്ളം കൃത്യമായി ക്ലോറിനേറ്റ് ചെയ്ത് ശുദ്ധമാണെന്ന് ഉറപ്പാക്കണം.
അതേസമയം പകര്ച്ചവ്യാധി പ്രതിരോധത്തിന്റെ ഭാഗമായി ജൂലൈ മാസത്തേക്ക് ആരോഗ്യ വകുപ്പ് പ്രത്യേക ആക്ഷന് പ്ലാന് രൂപീകരിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. പകര്ച്ചവ്യാധി പ്രതിരോധത്തിനും മികച്ച ചികിത്സ ഉറപ്പ് വരുത്തുന്നതിനുമാണ് ആക്ഷന് പ്ലാന് രൂപീകരിക്കുന്നത്. സംസ്ഥാനത്ത് മഴ തുടരുന്ന സാഹചര്യത്തില് പകര്ച്ചവ്യാധികള്ക്കെതിരെ അതീവ ജാഗ്രത പാലിക്കണം. ജലദോഷം, വൈറല് പനികള്, ഡെങ്കിപ്പനി, എലിപ്പനി, ഇന്ഫ്ളുവന്സ- എച്ച്.1 എന്.1, വയറിളക്ക രോഗങ്ങള് എന്നിവയാണ് കൂടുതല് കാണുന്നത്. കുട്ടികളിലെ പനി ശ്രദ്ധിക്കണം. അസുഖമുള്ള കുട്ടികളെ സ്കൂളില് അയയ്ക്കരുത്. കൃത്യമായ ചികിത്സയും വിശ്രമവും ഉറപ്പാക്കണം. സ്വയംചികിത്സ പാടില്ല. നീണ്ടു നില്ക്കുന്ന പനിയോ അപായ സൂചനകളായ പനിയോട് കൂടിയ ശ്വാസതടസ്സം, അമിത നെഞ്ചിടിപ്പ്, നെഞ്ച് വേദന, ബോധമില്ലാതെ സംസാരിക്കുക, ബോധക്ഷയം, കഫത്തില് രക്തത്തിന്റെ അംശം, അമിത ക്ഷീണം എന്നിവ ഉണ്ടെങ്കില് വിദഗ്ധ ചികിത്സ തേടണമെന്നും മന്ത്രി അഭ്യര്ത്ഥിച്ചു.
