അനുബന്ധ വാര്ത്തകള്
- ചര്മത്തില് എപ്പോഴും പ്രശ്നങ്ങളാണോ, ഈ ആഹാരങ്ങള് കഴിക്കാറുണ്ടോ?
- സോായാബീന്സിലുള്ള അത്രയും പ്രോട്ടീന് മുട്ടയിലില്ല!
- കുട്ടികളില് കാണുന്ന ടൈപ്പ് വണ് പ്രമേഹം; നിസാരമായി കാണരുത്
- സസ്യാഹാരികള്ക്ക് കാല്സ്യം കൂടുതല് ലഭിക്കാന് ഈ ഭക്ഷണങ്ങള് കഴിക്കാം
- എന്താണ് ഗ്ലൈസമിക് ഇന്ഡക്സ്, ഇക്കാര്യങ്ങള് അറിയണം
ഒരു നേരം പരമാവധി കഴിക്കേണ്ടത് 250 ഗ്രാം ചോറ് മാത്രം !
ഉച്ചഭക്ഷണമായി ചോറ് കഴിക്കുന്നതില് പ്രശ്നമൊന്നും ഇല്ല
മലയാളികള്ക്ക് ഏറ്റവും ഇഷ്ടപ്പെട്ട ഭക്ഷണമാണ് ചോറ്. മൂന്ന് നേരവും ചോറ് കഴിക്കുന്ന നിരവധി ആളുകള് നമുക്കിടയിലുണ്ട്. എന്നാല് മൂന്ന് നേരവും ചോറ് കഴിക്കുന്നത് പൊണ്ണത്തടിക്കും കുടവയറിനും കാരണമാകുമെന്നാണ് ആരോഗ്യവിദഗ്ധര് പറയുന്നത്. അമിത അളവില് ചോറ് ശരീരത്തിലേക്ക് എത്തുന്നത് കരളിന്റെ പ്രവര്ത്തനങ്ങളെ പ്രതികൂലമായി ബാധിക്കും. അതുകൊണ്ട് ദിവസത്തില് ഒരു നേരം മാത്രം മിതമായ അളവില് ചോറ് കഴിക്കുന്നതാണ് ആരോഗ്യത്തിനു നല്ലത്. 250 ഗ്രാം ചോറാണ് ഒരു നേരത്ത് പരമാവധി കഴിക്കേണ്ടത്, അതില് കൂടുതല് വേണ്ട..!
ഉച്ചഭക്ഷണമായി ചോറ് കഴിക്കുന്നതില് പ്രശ്നമൊന്നും ഇല്ല. എന്നാല് രാവിലെയും രാത്രിയും ചോറ് കഴിക്കരുത്. രാവിലെ പോഷക സമൃദ്ധമായ ഭക്ഷണമാണ് കഴിക്കേണ്ടത്. ധാരാളം പച്ചക്കറികള് രാവിലെ കഴിക്കുന്നത് നല്ലതാണ്. വൈറ്റമിനുകള് അടങ്ങിയ ഭക്ഷണ പദാര്ത്ഥങ്ങളാണ് രാവിലെ കഴിക്കാന് തിരഞ്ഞെടുക്കേണ്ടത്.
അതുപോലെ രാത്രിയും ചോറ് നിര്ബന്ധമായും ഒഴിവാക്കണം. രാത്രി കഠിനമായ പ്രവര്ത്തനങ്ങളിലൊന്നും ശരീരം ഏര്പ്പെടാത്തതിനാല് ചോറ് ദഹിക്കാന് ഒരുപാട് സമയമെടുക്കും. ഇത് ദഹന പ്രക്രിയയെ ബാധിക്കും. കൊഴുപ്പ്, കാര്ബോ ഹൈഡ്രേറ്റ്, പഞ്ചസാര എന്നിവ അടങ്ങിയ ഭക്ഷണ സാധനങ്ങള് രാത്രി കഴിക്കരുത്. കാര്ബോ ഹൈഡ്രേറ്റും പഞ്ചസാരയും ചോറില് അടങ്ങിയിട്ടുണ്ട്. അതുകൊണ്ട് ചോറ് രാത്രി ഒഴിവാക്കണം.
ഉച്ചയ്ക്ക് ചോറ് കഴിക്കാമെങ്കിലും അതിലും നിയന്ത്രണം വേണം. വയറുനിറച്ച് ചോറ് കഴിക്കുന്ന ശീലം നല്ലതല്ല. അല്പ്പം ചോറും ധാരാളം കറികളും കഴിക്കുന്നതാണ് ആരോഗ്യകരമായ രീതി. ചോറിനൊപ്പം ധാരാളം പച്ചക്കറികളും കഴിക്കണം.
