അമേരിക്കന്‍ ഇതിഹാസതാരം മേഗന്‍ റപീനോ രാജ്യാന്തര ഫുട്‌ബോളില്‍ നിന്നും വിരമിക്കല്‍ പ്രഖ്യാപിച്ചു. ഈ വരുന്ന ലോകകപ്പ് തന്റെ അവസാനത്തേത് ആയിരിക്കുമെന്ന് 38കാരിയായ താരം അറിയിച്ചു. യു എസ് ലീഗ് ഈ സീസണിന് ശേഷം താന്‍ വിരമിക്കുമെന്നും മേഗന്‍ അറിയിച്ചു.

ലോകം കണ്ടതില്‍ വെച്ച് ഏറ്റവും മികച്ച ഫുട്‌ബോള്‍ താരങ്ങളില്‍ ഒരാളായാണ് റപീനോ പരിഗണിക്കപ്പെടുന്നത്. അമേരിക്കയ്ക്കായി 199 മത്സരങ്ങള്‍ കളിച്ച താരം ഒരു തവണ ഒളിമ്പിക് സ്വര്‍ണവും 2 ലോകകപ്പ് കിരീടങ്ങളും നേടിയിട്ടുണ്ട്. 2019 ലോകകപ്പില്‍ ടൂര്‍ണമെന്റിലെ മികച്ച താരവും ടോപ് സ്‌കോററുമായിരുന്നു. തന്റ ശക്തമായ മനുഷ്യാവകാശ, രാഷ്ട്രീയ നിലപാടുകള്‍ കൊണ്ടും റപീനോ പ്രശസ്തയാണ്.