അനുബന്ധ വാര്ത്തകള്
- Euro 2024: സ്പെയിനോ ഇംഗ്ലണ്ടോ? യൂറോയിലെ രാജാക്കന്മാരാകാൻ സാധ്യതയാർക്ക്?
- Lamine Yamal: ഇളമുറ തമ്പുരാൻ ലാമിൻ യമാലിന് ഇന്ന് മധുരപ്പതിനേഴ്, പിറന്നാൾ സമ്മാനമായി യൂറോ കപ്പ് സ്വന്തമാക്കുമോ?
- Lamine Yamal: മെസ്സിയുടെ കരസ്പര്ശമേറ്റ് തുടക്കം, മെസ്സിയെ പോലെ ലാ മാസിയയില്, യൂറോ കപ്പില് സ്പാനിഷ് ഫുട്ബോളിന്റെ ഇളമുറ തമ്പുരാനായി 16കാരന് യമാലിന്റെ പട്ടാഭിഷേകം
- സ്പെയിന് യൂറോ കപ്പ് ഫൈനലില്; ഫ്രാന്സ് പുറത്ത്
- Euro 2024: ഫ്രാന്സിന്റെ കളി ബോറടിപ്പിക്കുന്നു, വേറെ കളി ഇരുന്ന് കണ്ടോ എന്ന് ദെഷാമ്പ്സ്
Euro 2024: ട്രോഫി വീടെത്തിയില്ല, ഇംഗ്ലണ്ടിനെ ഫൈനലിൽ തകർത്ത് കാളക്കൂറ്റന്മാർ
Spain, Euro cup 2024
സ്പെയിനിന്റെ നാലമത്ത് യൂറോകപ്പ് കിരീടനേട്ടമാണിത്. ഇതാദ്യമായാണ് ഒരു ടീം നാല് യൂറോ കപ്പ് കിരീടങ്ങള് സ്വന്തമാക്കുന്നത്. രണ്ടാം പകുതിയില് നിക്കോ വില്യംസും അവസാന മിനിറ്റുകളില് മികെല് ഒയര്സബാലുമാണ് സ്പെയിനിനായി ഗോളുകള് കണ്ടെത്തിയത്. ഇംഗ്ലണ്ടിനായി പകരക്കാരനായി ഇറങ്ങിയ കോള് പാല്മറാണ് ആശ്വാസഗോള് നേടിയത്. യൂറോയില് ക്രൊയേഷ്യ,ഇറ്റലി,ജര്മനി,ഫ്രാന്സ് എന്നിവരെ മറികടന്നായിരുന്നു സ്പെയിന് ഫൈനല് യോഗ്യത നേടിയത്. 2012ല് യൂറോ കപ്പ് സ്വന്തമാക്കിയതിന് ശേഷം സ്പെയിന് നേടുന്ന ആദ്യ പ്രധാന ടൂര്ണമെന്റാണിത്.
അതേസമയം തങ്ങളുടെ ആദ്യ യൂറോകപ്പ് കിരീടം സ്വന്തമാക്കാനുള്ള അവസരമാണ് ഇംഗ്ലണ്ട് നഷ്ടമാക്കിയത്. 1966ല് ലോകകപ്പ് കിരീട നേട്ടം സ്വന്തമാക്കിയതല്ലാതെ മറ്റൊരു നേട്ടവും സമ്പന്നമായ ക്ലബ് പാരമ്പര്യമുണ്ടായിട്ടും ഇംഗ്ലണ്ടിന് നേടാനായിട്ടില്ല. ഫുട്ബോളിന്റെ ഈറ്റില്ലത്തിലേക്ക് ഇത്തവണയെങ്കിലും ഒരു ട്രോഫി ലഭിക്കുമെന്ന് കരുതിയെങ്കിലും ഇത്തവണയും ആ നേട്ടത്തിലെത്താന് ഇംഗ്ലണ്ടിനായില്ല. ഇംഗ്ലണ്ടിന്റെ തുടര്ച്ചയായ രണ്ടാം യൂറോ കപ്പ് ഫൈനല് തോല്വിയാണിത്.
