വിശാലഹൃദയനായ ഫിഫ ക്ഷമിച്ചു, റൊണാൾഡോയ്ക്ക് ലോകകപ്പിലെ ആദ്യമത്സരത്തിൽ തന്നെ കളിക്കാം
ലോകകപ്പ് യോഗ്യതാ മത്സരത്തില് എതിര് ടീമിലെ താരത്തെ കൈമുട്ടുകൊണ്ട് ഇടിച്ചതിനെ തുടര്ന്ന് അച്ചടക്കനടപടി നേരിട്ട സൂപ്പര് താരം ക്രിസ്റ്റ്യാനോ റൊണാള്ഡോയ്ക്ക് 2026 ഫിഫ ലോകകപ്പിലെ ആദ്യ മത്സരങ്ങള് നഷ്ടമാകില്ല. നേരത്തെ അച്ചടക്കനടപടിയുടെ ഭാഗമായി 3 മത്സരങ്ങളില് നിന്നാണ് ഫിഫ വിലക്കേര്പ്പെടുത്തിയത്.
ഇപ്പോഴിതാ ഈ തീരുമാനത്തിന് അയവ് വരുത്തിയിരിക്കുകയാണ് ഫിഫ. ഒരു മത്സരത്തിന് വിലക്കും ഒരു വര്ഷത്തിനുള്ളില് സമാനമായ കുറ്റകൃത്യം ചെയ്താല് 2 മത്സരങ്ങളില് കൂടി വിലക്ക് ഏര്പ്പെടുത്താനാണ് ഫിഫയുടെ പുതിയ നിര്ദേശം. നേരത്തെ അച്ചടക്കനടപടിയുടെ ഭാഗമായി ലോകകപ്പിലെ ആദ്യ 2 മത്സരങ്ങള് ക്രിസ്റ്റ്യാനോയ്ക്ക് നഷ്ടമാകുമെന്നായിരുന്നു റിപ്പോര്ട്ട്. അച്ചടക്കനടപടിയുടെ ഭാഗമായി അര്മേനിയക്കെതിരായ അവസാന ലോകകപ്പ് യോഗ്യതാ മത്സരത്തില് റോണോ കളിച്ചിരുന്നില്ല.
