ക്ളോദ് മോണെ മുതല്‍ എം.എഫ് ഹുസൈന്‍വരെ. ഒറീസയിലെ പദചിത്രം മുതല്‍ കേരളത്തിലെ ചുവര്‍ചിത്രങ്ങള്‍ വരെ. എല്ലാം കണ്ടാസ്വദിക്കാന്‍ ഒരു ശേഖരം.
കൊച്ചിയിലെ ഇടപ്പളളിയില്‍ ദേശീയ പാതയോടു ചേര്‍ന്ന് മാധവന്‍നായര്‍ എന്ന സമുദ്രോതￗന്ന കയറ്റുമതി ഉദ്യോഗസ്ഥന്‍ രൂപ കല്പന ചെയ്ത് മ്യൂസിയത്തില്‍ വിസ്മയകാഴ്ചകളാണേറെയും.
കൗതുകം കൊണ്ട് മാധവന്‍ നായര്‍ ശേഖരിച്ചു തുടങ്ങിയതാണ് ചിത്രങ്ങള്‍. പേരും പെരുമയും നേടിയ ചിത്രങ്ങളുടെ ഒറിജിനലുകള്‍ പറഞ്ഞ വിലയ്ക്കു വാങ്ങിയക്കൂട്ടിയ നായര്‍ക്ക് ചില ചിത്രങ്ങളുടെ പ്രിന്‍റുകളേ കിട്ടിയുള്ളൂ.
ലോകം മുഴുവന്‍ സഞ്ചരിച്ച് വിശ്വോത്തര ചിത്രകാരന്മാരുടെ ചിത്രങ്ങളും, പുനര്‍ നിര്‍മ്മിതികളും നായര്‍ വാങ്ങിച്ചു. അവയ്ക്കൊരു വീടും."സെന്‍റര്‍ ഫോര്‍ വിഷ്വല്‍ ആര്‍ടസ്്'.
ദൃശ്യകലകള്‍ക്കായുള്ള ഈ കാഴ്ചബംഗ്ളാവില്‍ കേരള ചരിത്രത്തിനും പാവകള്‍ക്കും പുനര്‍നിര്‍മിത ചിത്രങ്ങള്‍ക്കും ലോകചിത്രങ്ങള്‍ക്കും പ്രത്യേകം പ്രത്യേകം ഗ്യാലറികളുണ്ട്.
