കാസര്‍കോട്ടുകാരനാണ് കാനായി എങ്കിലും അദ്ദേഹത്തിന്‍റെ ശില്‍പ പരമ്പരകളും ശില്‍പ സമുച്ചയങ്ങളും കേരളത്തില്‍ അങ്ങോളമിങ്ങോളം കാണാം. വടക്കേ മലബാറിലെ പാരമ്പര്യ അനുഷ്ടാന കലാരൂപങ്ങളുടെ സ്വാധീനത്തില്‍ നിര്‍മ്മിച്ച മുക്കോല പെരുമാള്‍, വേളിയിലെ ശില്‍പ സമുച്ചയ ഗ്രാമം എന്നിവ ഏറെ ശ്രദ്ധേയമാണ്
കേരളത്തിലെ ഏറ്റവും വലിയ ശില്‍പമാണ് തിരുവനന്തപുരം ശംഖുമുഖം കടപ്പുറത്തെ സാഗര കന്യക. കോണ്‍ക്രീറ്റില്‍ തീര്‍ത്ത ഈ അര്‍ദ്ധ നഗ്ന ശില്‍പം സ്ത്രീ സൗന്ദര്യത്തെ മുഴുവന്‍ ആവാഹിച്ചിരിക്കുന്നു. സ്ത്രീയുടെ അഴകളവിന്‍റെ മുഗ്ദ്ധ ലാവണ്യം അതില്‍ നിറഞ്ഞുതുളുമ്പുകയാണ്.
സ്വകാര്യ സ്ഥാപനങ്ങള്‍ക്ക് മുന്‍പിലും പൊതുസ്ഥലങ്ങളിലും സിമന്‍റില്‍ കാനായി ഒരുക്കിയ ശില്‍പങ്ങള്‍ ജ-നങ്ങളുമായി അടുത്തു നില്‍ക്കുന്നു. കല ജ-നങ്ങള്‍ക്ക് വേണ്ടിയാണ് എന്നാണ് അദ്ദേഹത്തിന്‍റെ പ്രത്യയ ശാസ്ത്രം.
മദ്രാസ് ഫൈന്‍ ആര്‍ട്സ് കോളേജ-ിലെ പഠനം, ലണ്ടനിലെ കലാ പരിശീലനത്തിനിടയില്‍ ഉണ്ടായ ലോകോത്തര ശില്‍പികളുമായുള്ള പരിചയം എന്നിവ കാനായിയിലെ കലാകാരനെ ഉണര്‍ത്തിവിട്ടു. യക്ഷിയിലൂടെയാണ് കാനായി ശ്രദ്ധേയനാവുന്നത്.
പ്രകൃതിയുമായും ജ-നങ്ങളുമായും ഇണങ്ങി നില്‍ക്കുന്ന ശില്‍പ നിര്‍മ്മാണത്തിന് വേളി വിനോദ സഞ്ചാര കേന്ദ്രത്തിലെ ശില്‍പ സമുച്ചയം വഴിയാണ്. പാരമ്പര്യ ബിംബങ്ങളും പ്രതീകങ്ങളും ഉള്‍ക്കൊള്ളുന്ന അമൂര്‍ത്ത ശില്‍പങ്ങളും സന്ധ്യയ്ക്ക് തിരിതെളിയുന്ന ഒരമ്പലവുമാണ് വേളിയിലുള്ളത്. പുല്‍ത്തകിടികളില്‍ നഗ്നമേനിയുടെ നിമ്നോന്നതങ്ങള്‍ കാണാം. ഇരിപ്പിടം പോലും ശില്‍പഭംഗിയാര്‍ന്നതാണ്.
