ഈ ട്രാവല്‍‌സിന് തലവയ്ക്കണോ?

യാത്രി ജെസെന്‍

PRO

വിരസമായ കോമാളിരംഗങ്ങള്‍ കണ്ട് വീര്‍പ്പുമുട്ടുന്ന പ്രേക്ഷകര്‍ക്ക് ആശ്വാസമാകുന്ന രണ്ട് കാര്യങ്ങളുണ്ട് ഈ സിനിമയില്‍. ഒന്ന് മീശയില്ലാത്ത ജയറാം. രണ്ട് അതീവ സുന്ദരിയായ ഭാവന. തനിക്കുകിട്ടിയ ചാക്യാര്‍ കഥാപാത്രത്തെ ജയറാം ഭംഗിയാക്കിയിട്ടുണ്ട്. രൂപം കൊണ്ടുതന്നെ ഒരു ഫ്രഷ്നെസ്സ് ജയറാം സൃഷ്ടിച്ചു. അശ്വതി എന്ന കഥാപാത്രമായി ഭാവനയുടെ പ്രകടനവും മനോഹരം. പക്ഷേ അവിയല്‍ പരുവത്തിലുള്ള കഥയ്ക്കിടയില്‍ ഇവരുടെ അഭിനയമികവിനെന്ത് പ്രസക്തി?

ജഗതി, മണിയന്‍‌പിള്ള രാജു, കോട്ടയം നസീര്‍, മാമുക്കോയ തുടങ്ങി ഒട്ടേറെ താരങ്ങളുണ്ട് ചിത്രത്തില്‍. ജഗതി ഒരു നൂറു സിനിമകളിലെങ്കിലും മുമ്പ് ചെയ്തിട്ടുള്ള വേഷത്തെ ഇവിടെ ആവര്‍ത്തിച്ചിരിക്കുകയാണ്. നായകന് തന്‍റെ മകളെ വിവാഹം കഴിപ്പിച്ചുകൊടുക്കാന്‍ കച്ചകെട്ടിയിറങ്ങിയ അമ്മാവന്‍ വേഷമാണ് അദ്ദേഹത്തിന്. ഇതൊക്കെക്കണ്ട്, പണം കൊടുത്ത് ടിക്കറ്റ് വാങ്ങിയ പ്രേക്ഷകര്‍ പാതിവച്ച് ഇറങ്ങിപ്പോകാതിരിക്കാന്‍ പരമാവധി ശ്രമം നടത്തുന്നുണ്ട്. ശബ്ദകോലാഹലം കാരണം ഉറങ്ങാനും കഴിയില്ലല്ലോ.

WEBDUNIA|

സംവിധായകന്‍റെ തിരക്കഥയ്ക്ക് തോമസ് തോപ്പില്‍ക്കുടിയാണ് സംഭാഷണം രചിച്ചിരിക്കുന്നത്. എല്ലാ ഡയലോഗുകളിലും പരമാവധി കോമഡി ജനറേറ്റ് ചെയ്യാന്‍ എഴുത്തുകാരന്‍ ശ്രമിച്ചിട്ടുണ്ട്! മുരളി രാമന്‍റെ ഛായാഗ്രഹണം കൊള്ളാം. എന്നാല്‍ ബിജിപാല്‍ ഈണമിട്ട ഗാനങ്ങള്‍ സിനിമയെപ്പോലെ തന്നെ നിലവാരം കുറഞ്ഞതായി.

ഈ ട്രാവല്‍‌സിന് തലവയ്ക്കണോ?

യാത്രി ജെസെന്‍

ഇതിനെക്കുറിച്ച് കൂടുതല്‍ വായിക്കുക :