ദുല്‍ക്കറിന് ശേഷം എന്നെ വിസ്മയിപ്പിച്ചത് രണ്‍ജി പണിക്കരാണ്. കരുത്തുള്ള സംഭാഷണങ്ങളിലൂടെ തിയേറ്ററുകളെ ഇളക്കിമറിക്കുന്ന ആ മനുഷ്യന്‍റെയുള്ളില്‍ കരുത്തനായ ഒരു നടനുണ്ടെന്ന് വെളിപ്പെടുത്തുന്നു 'ഞാന്‍'. രൂപത്തിലും ഭാവത്തിലും അഭിനയരീതിയിലും രണ്‍ജി ഞെട്ടിക്കുകയാണ്.

 

ഹരീഷ് പേരടി, അനുമോള്‍, ജോയ്മാത്യു (ജോയ് മാത്യു അദ്ദേഹം തന്നെയായാണ് ഈ സിനിമയില്‍ അഭിനയിച്ചിരിക്കുന്നത്. നോവലില്‍ അദ്ദേഹം കഥാപാത്രമല്ല. ഇത് രഞ്ജിത്തിന്‍റെ കൂട്ടിച്ചേര്‍ക്കല്‍), ജ്യോതികൃഷ്ണ, മുത്തുമണി, ഇര്‍ഷാദ് തുടങ്ങി അഭിനേതാക്കളെല്ലാം അവരവരുടെ കഥാപാത്രങ്ങളെ ഗംഭീരമാക്കി. പലര്‍ക്കും രണ്ട് കാലങ്ങളിലെ കഥാപാത്രങ്ങളായി മാറേണ്ടിയിരുന്നു. ആ രൂപ-ഭാവ വ്യത്യാസങ്ങള്‍ രഞ്ജിത് മനോഹരമായി സന്നിവേശിപ്പിച്ചു.

 

മനോജ് പിള്ളയുടെ ഛായാഗ്രഹണവും സന്തോഷ് രാമന്‍റെ കലാസംവിധാനവും ഒന്നാന്തരം. ബിജിബാലിന്‍റെ സംഗീതവും മികച്ചത്.