മൂന്നുതവണ പറഞ്ഞത് ‘കുടുംബശ്രീ ട്രാവല്‍‌സ്’ എന്ന സിനിമയുടെ സംവിധായകന് മനസില്‍ ആവര്‍ത്തിച്ച് ഉറപ്പിക്കാന്‍ വേണ്ടി. സിനിമ എന്ന മാധ്യമത്തെക്കുറിച്ച് വേണ്ടത്ര പഠിക്കാതെ സീരിയല്‍ വിദ്യാഭ്യാസം കൈമുതലാക്കി ഇറങ്ങിപ്പുറപ്പെടുന്ന എല്ലാ സംവിധായകരും ഒരിക്കല്‍ കൂടി ഓര്‍ക്കുക - ഇത് 2011 ആണ്.
20 വര്‍ഷങ്ങള്‍ക്കു മുമ്പ് മലയാള സിനിമയില്‍ ഇറങ്ങിയ നര്‍മചിത്രങ്ങളുടെ വേഷഭൂഷാദികളോടെ 2011ല്‍ എഴുന്നള്ളുന്ന സിനിമാക്കോലങ്ങളെ ഇനിയും മലയാളികള്‍ എങ്ങനെ ഉള്‍ക്കൊള്ളണം? അക്കരെ നിന്നൊരു മാരനും പെരുവണ്ണാപുരത്തെ വിശേഷങ്ങളും കൌതുക വാര്‍ത്തകളും ഒക്കെ ആസ്വദിച്ച മലയാളികള്‍ ഇന്ന് ഏറെ മാറി. മലയാള സിനിമയും മാറി. ട്രാഫിക് എന്ന സിനിമയിലെ ചെറിയ ലാഗ് പോലും സഹിക്കാന്‍ കഴിയാത്തവരാണ് ഇന്നത്തെ പ്രേക്ഷകര്‍. അവിടേക്ക് കിരണ്‍ എന്ന യുവ സംവിധായകന് വരുന്നത് പഴങ്കഥയുടെ മാറാപ്പുമായാണ്. ഈ കോമഡിച്ചിത്രം കണ്ട് ചിരിക്കാം, പ്രേക്ഷകരുടെ വിധിയോര്‍ത്ത്.
