അനുബന്ധ വാര്ത്തകള്
- മമ്മൂട്ടിയുടെ രാജ 2 ജൂലൈയില്! - വരില്ലെന്ന് പറഞ്ഞവര്ക്കുള്ള മറുപടി!
- നയന്താരയ്ക്കായി ശക്തമായ തിരക്കഥയെഴുതി ഉണ്ണി ആര്, ഗസ്റ്റ് റോളില് മമ്മൂട്ടി ?
- മമ്മൂട്ടിയുടെ അബ്രഹാമിന്റെ സന്തതികള്- ‘A Police Story'!
- പരോളിന്റെ സാറ്റ്ലൈറ്റ് അവകാശം വമ്പന് തുകയ്ക്ക് വിറ്റു; മെഗാസ്റ്റാറിന്റെ ചിത്രത്തിനായി മനോരമ പൊടിച്ചത് കോടികള്
- മലയാള സിനിമയുടെ രക്ഷകനാകാന് മമ്മൂട്ടിയുടെ പരോള്!
ഈ ചെറിയ പെണ്കുട്ടികളെ എങ്ങനെയാ ഇയാള് വളച്ചെടുക്കുന്നത് - മമ്മൂട്ടിയുടെ ‘അങ്കിള്’ വിസ്മയിപ്പിക്കും!
മമ്മൂട്ടി വലിയ ഇടവേളയ്ക്ക് ശേഷം വില്ലന് കഥാപാത്രമായെത്തുന്ന സിനിമയെന്ന വിശേഷണമാണ് ‘അങ്കിള്’ എന്ന പ്രൊജക്ടിനേക്കുറിച്ച് ആദ്യം മുതലേ ഉയര്ന്നുകേള്ക്കുന്നത്. ഷട്ടറിന് ശേഷം ജോയ് മാത്യു എഴുതിയ തിരക്കഥ എന്നതാണ് മറ്റൊരു വലിയ പ്രത്യേകത.
എന്തായാലും അങ്കിളിന്റെ ട്രെയിലര് അണിയറപ്രവര്ത്തകര് പുറത്തുവിട്ടിട്ടുണ്ട്. ‘മൈ ഡാഡ്സ് ഫ്രണ്ട്’ എന്നതാണ് ചിത്രത്തിന്റെ ടാഗ്ലൈന്. പതിനേഴുകാരിയായ ഒരു പെണ്കുട്ടിയുടെയും അവളുടെ പിതാവിന്റെ സുഹൃത്തിന്റെയും കഥ പറയുന്ന അങ്കിള് ഏപ്രില് 27ന് റിലീസാകും. പിതാവിന്റെ സുഹൃത്തായാണ് മമ്മൂട്ടി വേഷമിടുന്നത്.
കൃഷ്ണകുമാര് എന്നാണ് മമ്മൂട്ടി അവതരിപ്പിക്കുന്ന കഥാപാത്രത്തിന്റെ പേര്. കെ കെ എന്ന് ചുരുക്കപ്പേരും. ഊട്ടിയില് നിന്ന് കോഴിക്കോട്ടേക്ക് അയാള് യാത്ര തിരിക്കുമ്പോള് കൂടെ സുഹൃത്തിന്റെ മകളുമുണ്ട്. അവള് അയാളെ ‘അങ്കിള്’ എന്നുവിളിച്ചു. പക്ഷേ അയാള് ആ കുടുംബത്തില് ചില പ്രശ്നങ്ങള്ക്ക് കാരണമായി.
സാള്ട്ട് ആന്റ് പെപ്പര് ലുക്കിലാണ് മമ്മൂട്ടി ഈ സിനിമയില് എത്തുന്നത്. മമ്മൂട്ടിയുടെ കഥാപാത്രം നെഗറ്റീവാണോ പോസിറ്റീവാണോ എന്ന് ചിത്രം കാണുന്ന പ്രേക്ഷകര് തീരുമാനിക്കട്ടെയെന്നാണ് സംവിധായകന് ഗിരീഷ് ദാമോദര് പറയുന്നത്.
നമ്മുടെ സമൂഹത്തില് നിലനില്ക്കുന്ന ചില പ്രശ്നങ്ങളിലേക്ക് ക്യാമറ ഫോക്കസ് ചെയ്യുന്ന ചിത്രത്തിന് ക്യാമറ അഴകപ്പന്. ബിജിബാല് ആണ് സംഗീതം. സി ഐ എയിലെ നായിക കാര്ത്തിക മുരളീധരനാണ് അങ്കിളിലെ നായിക. ആശാ ശരത്, മുത്തുമണി, ജോയ് മാത്യു, വിനയ് ഫോര്ട്ട്, സുരേഷ് കൃഷ്ണ, പ്രതാപ് പോത്തന് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
