ബി ഉണ്ണികൃഷ്ണന്‍ ചിത്രത്തില്‍ മമ്മൂട്ടി, നായിക മഞ്‌ജു വാര്യര്‍ !

മമ്മൂട്ടി, മഞ്‌ജു വാര്യര്‍, ബി ഉണ്ണികൃഷ്ണന്‍, നിഖില വിമല്‍, Mammootty, Manju Warrier, B Unnikrishnan, Nikhila Vimal
അമീര്‍ സൈനുദ്ദീന്‍| Last Modified ചൊവ്വ, 24 ഡിസം‌ബര്‍ 2019 (15:41 IST)
മമ്മൂട്ടിയുടെ ഒട്ടേറെ പ്രൊജക്ടുകള്‍ അണിയറയില്‍ ഒരുങ്ങുകയാണ്. അതില്‍ മഞ്‌ജു വാര്യര്‍ നായികയാകുന്ന ചിത്രവുമുണ്ട്. സംവിധായകന്‍ ബി ഉണ്ണികൃഷ്ണന്‍ നിര്‍മ്മിക്കുന്ന ചിത്രത്തിലാണ് മമ്മൂട്ടിയും മഞ്‌ജുവും ഒന്നിക്കുന്നത്. നവാഗതനായ ജോഫിന്‍ ടി ചാക്കോയാണ് സംവിധായകന്‍.

ബി ഉണ്ണികൃഷ്ണനൊപ്പം ആന്‍റോ ജോസഫും ഈ സിനിമയുടെ നിര്‍മ്മാണ പങ്കാളിയാണ്. അടുത്തിടെ സ്റ്റാന്‍ഡപ്പ് എന്ന ചിത്രം നിര്‍മ്മിച്ചത് ആന്‍റോ ജോസഫും ഉണ്ണികൃഷ്ണനും ചേര്‍ന്നായിരുന്നു. മമ്മൂട്ടിക്കും മഞ്‌ജുവിനുമൊപ്പം നിഖില വിമലും ഒരു പ്രധാന കഥാപാത്രത്തെ ഈ സിനിമയില്‍ അവതരിപ്പിക്കുന്നുണ്ട്.

ജോഫിന്‍ ടി ചാക്കോയുടെ സ്ക്രിപ്‌റ്റ് ഇഷ്ടമായ മമ്മൂട്ടി മറ്റ് പ്രൊജക്‍ടുകള്‍ മാറ്റിവച്ചാണ് ഈ സിനിമയ്ക്ക് ഡേറ്റ് നല്‍കിയത്. കോമഡി ത്രില്ലര്‍ വിഭാഗത്തില്‍ പെടുന്ന ഒരു സിനിമയായിരിക്കും ഇതെന്നാണ് സൂചന.

ജനുവരി ആദ്യവാരം ചിത്രീകരണം ആരംഭിക്കും. പേരും മറ്റ് വിശദാംശങ്ങളും ഉടന്‍ തന്നെ ഔദ്യോഗികമായി പ്രഖ്യാപിക്കും.



ഇതിനെക്കുറിച്ച് കൂടുതല്‍ വായിക്കുക :