യുവതലമുറയ്ക്കൊപ്പം സുരേഷ് ഗോപി; ത്രൈനായകന്മാരുമായി ‘അപ്പോത്തിക്കിരി‘
WEBDUNIA|
PRO
PRO
യുവതലമുറ താരങ്ങളായ ജയസൂര്യ, ആസിഫ് അലി എന്നിവര്‍ക്കൊപ്പം ആക്‍ഷന്‍ സ്റ്റാര്‍ സുരേഷ് ഗോപി ഒന്നിക്കുന്നു. മേല്‍‌വിലാസത്തിനുശേഷം സംവിധായകന്‍ മാധവ് രാമദാസന് ഒരുക്കുന്ന അപ്പോത്തിക്കിരി എന്ന സിനിമയിലാണ് ഇവര്‍ ഒന്നിക്കുന്നത്. ഒരു ത്രൈനായക ചിത്രമായാണ് അപ്പോത്തിക്കിരി ഒരുങ്ങുന്നത്.
സുരേഷ് ഗോപി രണ്ടാംവരവില്‍ ഒട്ടേറെ അഭിനയപ്രാധാന്യമുള്ള ചിത്രങ്ങളാണ് ഒരുങ്ങുന്നത്. ഉടന്‍ റിലീസ് ചെയ്യുന്ന സലാം കാശ്മീര്‍, അണിയറയില്‍ തയ്യാറാകുന്ന ഡോള്‍ഫിന്‍ ബാര്‍, ചിത്രീകരണം തുടങ്ങാനിരിക്കുന്ന സിബിഐ ചിത്രം തുടങ്ങിയവയെല്ലാം സുരേഷ് ഗോപിയുടെ മികച്ച വേഷങ്ങളാണ് ഉള്ളത്.
ജയസൂര്യയും ആസിഫും ആദ്യമായാണ് സുരേഷ് ഗോപിക്കൊപ്പം അഭിനയിക്കുന്നത്. ഫിലിപ്പ് ആന്‍ഡ് മങ്കിപ്പെന്‍, പുണ്യാളന് അഗര്ബത്തീസ് എന്നീ ചിത്രങ്ങള്‍ക്ക് ശേഷമാണ് ജയസൂര്യ അപ്പോത്തിക്കിരിയില്‍ എത്തുന്നത്. ഇരു ചിത്രങ്ങളും വന്‍ വിജയമായതോടെ ജയസൂര്യയുടെ ഗ്രാഫ് കുത്തനെ ഉയര്‍ന്നിരുന്നു.
അറമ്പന്‍കുടിയില്‍ സിനിമാസിന്റെ ബാനറില്‍ ഡോ. ബേബി മാത്യുവും ഡോ. ജോര്‍ജ് മാത്യുവും ചേര്‍ന്നാണ് ചിത്രം നിര്‍മ്മിക്കുന്നത്. ക്യാമറ: ഹരിനായര്‍, പ്രൊജക്ട് ഡിസൈനര്‍: സജിത്ത് കൃഷ്ണന്‍. ഫെബ്രുവരി 20-ന് പാലക്കാട് ചിത്രീകരണം തുടങ്ങും.
