മോഹന്‍ലാലിനെ ഒഴിവാക്കി, ജോഷിയുടെ പുതിയ പടത്തില്‍ മമ്മൂട്ടി!
WEBDUNIA|
PRO
‘ലൈലാ ഓ ലൈലാ’ എന്ന മോഹന്ലാല് - ജോഷി ചിത്രം അനിശ്ചിതമായി മാറ്റിവച്ചു എന്നാണ് ഏറ്റവും പുതിയ റിപ്പോര്‍ട്ട്. ഒപ്പം മറ്റൊരു പ്രധാന വാര്‍ത്തയും ലഭിക്കുന്നു. മമ്മൂട്ടിയെ നായകനാക്കി ജോഷി ഒരു സിനിമ ഒരുക്കുന്നു എന്നതാണത്.
ട്വന്‍റി20യ്ക്ക് ശേഷം മമ്മൂട്ടി കേന്ദ്ര കഥാപാത്രത്തെ അവതരിപ്പിക്കുന്ന ഒരു സിനിമ ജോഷി ചെയ്തിട്ടില്ല. എന്തായാലും ഈ വലിയ ഇടവേള അവസാനിക്കുകയാണ്‍`. രഞ്ജന്‍ പ്രമോദാണ് മമ്മൂട്ടി - ജോഷി ചിത്രത്തിന് തിരക്കഥ രചിക്കുന്നത്.
‘നരന്‍’ എന്ന മെഗാഹിറ്റിന് ശേഷം ജോഷിക്ക് വേണ്ടി രഞ്ജന്‍ പ്രമോദ് എഴുതുന്ന തിരക്കഥയാണിത്. നാട്ടിന്‍‌പുറത്തിന്‍റെ പശ്ചാത്തലത്തില്‍ ഒരു ആക്ഷന്‍ സിനിമയാണ് മമ്മൂട്ടിയെ നായകനാക്കി ജോഷിയും രഞ്ജനും പ്ലാന്‍ ചെയ്യുന്നത്.
മമ്മൂട്ടിയുടെ കരിയറില്‍ ഏറ്റവും കൂടുതല്‍ ഹിറ്റുകള്‍ സമ്മാനിച്ചിട്ടുള്ള സംവിധായകനാണ് ജോഷി. പോത്തന്‍‌വാവ, നായര്‍സാബ്, സൈന്യം, ധ്രുവം, കൌരവര്‍, കുട്ടേട്ടന്‍, ഈ തണുത്ത വെളുപ്പാന്‍‌കാലത്ത്, മഹായാനം, സംഘം, ന്യൂഡല്‍ഹി, ശ്യാമ, നിറക്കൂട്ട് തുടങ്ങിയവ ഉദാഹരണം.
