വിവാദങ്ങളുടെ മറനീക്കി മിസ്റ്റര്‍ ഫ്രോഡ് വരുന്നു. മോഹന്‍ലാല്‍ നായകനാവുന്ന മിസ്റ്റര്‍ ഫ്രോഡ് മേയ് എട്ടിന് റിലീസ് ചെയ്യാന്‍ തീരുമാനമായി.

ബി ഉണ്ണിക്കൃഷ്ണന്‍ സംവിധാനം ചെയ്ത മിസ്റ്റര്‍ ഫ്രോഡ് റിലീസ് ചെയ്യുന്ന കാര്യത്തില്‍ ധാരണയാകാത്തതിനാല്‍ കൊച്ചിയില്‍ നടന്ന നിര്‍മ്മാതാക്കളുടെയും വിതരണക്കാരുടെയും യോഗത്തിലാണ് പുതിയ തീരുമാനം.

ഈ കാര്യത്തില്‍ മേയ് മൂന്നിനു മുമ്പ് തീയേറ്റര്‍ ഉടമകളുമായി കരാറുണ്ടാക്കാനും യോഗത്തില്‍ ധാരണയായി. മേയ് അഞ്ചിനുള്ളില്‍ കരാറായില്ലെങ്കില്‍ ഏഴാം തീയതിക്ക് ശേഷം പുതിയ സിനിമകള്‍ റിലീസ് ചെയ്യില്ലെന്നും യോഗം തീരുമാനിച്ചു.