മുരുഗദാസിന്‍റെ ശമ്പളം 50% വെട്ടിക്കുറച്ച് സണ്‍ പിക്‍ചേഴ്‌സ്; വിജയ് ചിത്രത്തിന്‍റെ ബജറ്റും കുറച്ചു !

Darbar, A R Murugadoss, Vijay, Sun Pictures, Thuppakki 2, ദര്‍ബാര്‍, എ ആര്‍ മുരുഗദാസ്, വിജയ്, സണ്‍ പിക്‍ചേഴ്‌സ്, തുപ്പാക്കി 2
സുബിന്‍ ജോഷി| Last Modified ചൊവ്വ, 7 ഏപ്രില്‍ 2020 (11:37 IST)
‘ദര്‍ബാര്‍’ എന്ന രജനികാന്ത് ചിത്രം ബോക്‍സോഫീസില്‍ തകര്‍ന്നതോടെ എ ആര്‍ മുരുഗദാസിന് തമിഴ് ഇന്‍ഡസ്‌ട്രിയില്‍ വന്‍ തിരിച്ചടിയാണ് നേരിടേണ്ടിവരുന്നത്. മുരുഗദാസ് അടുത്തതായി വിജയ് ചിത്രമാണ് ഒരുക്കുന്നത്. നിര്‍മ്മിക്കുന്നത് സണ്‍ പിക്‍ചേഴ്‌സ്. ഈ സിനിമയില്‍ മുരുഗദാസിന്‍റെ പ്രതിഫലം 50 ശതമാനം വെട്ടിക്കുറച്ചിരിക്കുകയാണ് സണ്‍ പിക്‍ചേഴ്‌സ്.

ദര്‍ബാറിനുവേണ്ടി മുരുഗദാസ് 35 കോടി രൂപയായിരുന്നു പ്രതിഫലം വാങ്ങിയിരുന്നത്. വിജയെ നായകനാക്കി ചെയ്യുന്ന തുപ്പാക്കി 2ന് മുരുഗദാസിന്‍റെ പ്രതിഫലം 18 കോടി രൂപയില്‍ താഴെ മാത്രമായിരിക്കുമെന്ന് കോളിവുഡില്‍ നിന്നുള്ള റിപ്പോര്‍ട്ടുകള്‍ പറയുന്നു.

മാത്രമല്ല, തുപ്പാക്കി 2ന് നേരത്തേ നിശ്ചയിച്ചിരുന്ന ബജറ്റിലും കുറവ് വരുത്തിയിട്ടുണ്ട്. കോവിഡ് പ്രതിസന്ധിയില്‍ പെട്ടുഴലുന്ന സിനിമാലോകത്ത് ഇനി വാരിക്കോരി ചെലവഴിച്ച് സിനിമ നിര്‍മ്മിക്കുന്നത് നഷ്‌ടക്കച്ചവടമായിരിക്കുമെന്ന തിരിച്ചറിവിലാണ് സണ്‍ പിക്‍ചേഴ്‌സ്.



ഇതിനെക്കുറിച്ച് കൂടുതല്‍ വായിക്കുക :